2012 թ. ընթացքում ոստիկանության Արմավիրի մարզային վարչության և ենթակա բաժինների ծառայողները հանցավորության դեմ պայքարում ամբողջությամբ կենտրոնացել են օրենսդրությամբ իրենց վերապահված խնդիրների իրագործմանը, ինչի արդյունքում հաջողվել է վերահսկել մարզում օպերատիվ իրավիճակը,  պահպանել կայուն հասարակական կարգ ու կանոն, ինչպես նաև հանցավորության դեմ պայքարում դրսևորած մարտավարության շնորհիվ հանցատեսակների գերակշիռ մեծամասնության բացահայտման ցուցանիշներով գերազանցել նախորդ տարվա և միջին հանրապետական ցուցանիշները:

Հատկանշական է նաև 2012 թ. ընթացքում մարզային վարչությունում իրականացված փոփոխությունները, որոնք, ըստ էության, ոստիկանության համակարգում իրականացվող բարեփոխումների տրամաբանական շարունակությունն են: Բարեփոխումների շրջանակներում ձեռնարկվել են մի շարք գործուն միջոցառումներ, որոնք նպաստել են ոստիկանի նոր կերպարի ձևավորմանը, տարածքային կառավարման, տեղական ինքնակառավարման մարմինների հետ կապերի, բնակչության շրջանում ոստիկանության նկատմամբ վստահության և հարգանքի ամրապնդմանը:

2012 թ. ընթացքում մարզում բոլոր գծերով գրանցվել է 1010 հանցագործության դեպք՝ նախորդ տարվա 893 դեպքի դիմաց, քանակը աճել է 117-ով կամ 13,1%-ով: Բացահայտման ցուցանիշը կազմել է 94% (2011 թ. 95,6%), որը 7,5%-ով բարձր է միջին հանրապետականից (ՀՀ-ում`  86,5%):  

Դեպքերի քանակի աճը հիմնականում պայմանավորված է անձի դեմ (216-328) և սեփականության դեմ (183-244) ուղղված հանցագործությունների դեպքերի քանակի աճով:

Բացահայտման տոկոսում հաշվվող հանցագործությունների քանակը աճել է 130-ով՝ կազմելով 927 դեպք: Բացահայտման ցուցանիշը կազմել է 93,4% (2011 թ. 95,1%), որը 7,6%-ով բարձր է միջին հանրապետականից (ՀՀ-ում` 85,8%): 

Հարկ է նշել, որ մարզում գրանցվել է հանրապետությունում հաշվառված հանցագործությունների 6,4%-ը (2011 թ.-ին` 5,4%), այդ թվում ծանր դեպքերի 3,4%-ը և առանձնապես ծանրերի` 4,5%-ը: 

Անրադառնալով ծանր հանցագործությունների դինամիկային նկատելի է, որ քանակը 47-ով (134-87) նվազել է, ինչը  պայմանավորված  է դիտավորությամբ առողջությանը ծանր վնաս պատճառելու (12-6), զենքի գործադրմամբ խուլիգանությունների  (5-1), անձնական գույքի կողոպուտի (5-0) դեպքերի քանակի նվազումով և ՀՀ քր. օրենսգրքի որոշ հոդվածների ծանրության աստիճանի փոփոխությամբ, հատկապես ՀՀ քր. օրենսգրքի 177 հոդվածի 2-րդ մասի: Ծանր հանցագործությունների բացահայտման ցուցանիշը կազմել է 73,6% (2011 թ. 89,6%), ինչը 7,6%-ով բարձր է միջին հանրապետական ցուցանիշից (ՀՀ-ում` 66%):  

Ինչ վերաբերվում է առանձնապես  ծանր հանցագործությունների բացահայտման միջին հանրապետականից 23%-ով ցածր ցուցանիշին` 57,1% (ՀՀ-ում` 80,1%), ապա այն պայմանավորված է Արմավիրի չբացահայտված 1 և Վաղարշապատում արձանագրված 2 չբացահայտված սպանություններով: 

Դիտավորությամբ ծանր մարմնական վնասվածք պատճառելու բացահայտման ցուցանիշը կազմել է 66,7% (ՀՀ-ում` 84,1%), ինչը պայմանավորված է Արմավիրում արձանագրված ծանր մարմնական վնասվածք պատճառելու դեպքի չբացահայտվելու հանգամանքով:

Պետական  ունեցվածքի  գողության  9  դեպքերից չբացահայտված են մնացել միայն Վաղարշապատում և Մեծամորում գրանցված 1-ական դեպքեր, որի արդյունքում բացահայտման ցուցանիշը կազմել է 77,8%, որը 4,3%-ով բարձր է միջին հանրապետական ցուցանիշից (ՀՀ-ում` 73,5%):

Անձնական ունեցվածքի ավազակությամբ հափշտակության  3 դեպքերից  չբացահայտված  է  մնացել  «Բուրգ»  խաղատնից  կատարված ավազակությունը, բացահայտման ցուցանիշները կազմել է  66,7% (ՀՀ-ում` 71,4%):

Անձնական գույքի 136 գողությունների բացահայտման ցուցանիշը կազմել է 72,1%, որը 7,3%-ով բարձր է միջին հանրապետականից (ՀՀ-ում` 64,8%): Մտահոգիչ է բնակարանային 26 գողությունների բացահայտման 34,6% ցուցանիշը (ՀՀ-ում` 49,7%), ինչը հիմնականում պայմանավորված է Վաղարշապատում արձանագրված 17 բնակարանային գողություններից 13-ի չբացահայտված լինելու հանգամանքով (Վաղարշապատի բացահայտումը` 23,5%): 

Մարզում գրանցված անձնական ունեցվածքի խարդախությամբ հափշտակության 66 դեպքերի բացահայտման ցուցանիշը կազմել է 98,5% (ՀՀ-ում` 96,8%): 

2012 թ. ընթացքում բացահայտվել են նախկին տարիներին կասեցված քրեական գործերով հանցագործության 5 դեպքեր (4-ը գողություն, 1-ը մարմնական վնասվածք):

 Հրազենի  գործադրմամբ  կատարված  հանցագործություն-ների կանխարգելման հիմնական ուղղություններից մեկը բնակչության մոտ ապօրինի պահվող զենքի և ռազմամթերքի հայտնաբերման ու կամովին հանձնման գործընթացի արդյունավետ կազմակերպումն է:

Հաշվետու տարում մարզում հայտնաբերվել է ապօրինի շրջանառության 92 դեպք, նախորդ տարվա 91-ի դիմաց (Արմավիր 45-34, Վաղարշապատ 27-27, Բաղրամյան 9-15, Մեծամոր 10-16): 

2012 թ. ընթացքում առգրավվել և կամովին հանձնվել են 27 միավոր ինքնաձիգ և ատրճանակ, 18 միավոր գազային և մեկնարկային ատրճանակ, 56 միավոր հրացան և ինքնաշեն կրակող սարք, 116  միավոր նռնակ և ականներ, 4 ականանետ և կրականետ, 16.112 հատ տարբեր տրամաչափի փամփուշտ: 

Անդրադառնալով թմրամիջոցների ապօրինի շրջանառության դեմ տարվող պայքարի վիճակին, հարկ է նշել, որ 2012 թ. ընթացքում հայտնաբերվել է թմրամիջոցների հետ կապված հանցատեսակների 101 դեպք, նախորդ տարվա 111-ի դիմաց:

Անչափահասների շրջանում իրականացվել են արդյունավետ պրոֆիլակտիկ-կանխարգելիչ աշխատանքներ, ինչի շնորհիվ 19 դեպքով նվազել է անչափահասների կողմից կատարված հանցագործությունների քանակը` կազմելով 18 դեպք` 2011 թ. 37 դեպք (Արմավիր 25-6, Վաղարշապատ 9-7, Մեծամոր 3-5): 

Փախուստի մեջ գտնվող հանցագործների հայտնաբերման ուղղությամբ նշված ժամանակահատվածում կատարվել են որոշակի աշխատանքներ:

Հետախուզման մեջ են գտնվել 1.321 անձինք (2011 թ. 1.363), որոնցից 163-ը` հանցագործներ (2011 թ. 173), 1.158-ը` ՀՀ քր. օր-ի 327 հոդվածով (2011 թ. 1.190): Հայտնաբերվել են 164-ը (2011թ. 152), որոնցից 56-ը` հանցագործ (2011թ. 65), 108-ը` ՀՀ քր. օր-ի 327 հոդվածով (2011թ. 87): 2012թ. հայտնաբերվել են 12 անձով ավել հետախուզվողներ:

2012 թ. ոստիկանության Արմավիրի մարզային վարչության ենթակա բաժինների կողմից հայտնաբերվել են նաև ԱՊՀ մասնակից անդամ պետությունների իրավապահ մարմինների կողմից հետախուզման մեջ գտնվող 13 անձինք:

 

2012 թ. 1-ին կիսամյակում Արմավիրի մարզում գրանցվել է հանցագործության 431 դեպք (նախորդ տարվա նույն ժամանակահատվածում՝ 433), քանակը նվազել է 2-ով կամ 0,5%-ով: Բացահայտման ցուցանիշը կազմել է 94%, որը 6%-ով բարձր է միջին հանրապետական ցուցանիշից (ՀՀ-ում` 88%): 

Բացահայտման տոկոսում հաշվվող հանցագործությունների քանակը  նախորդ  տարվա համեմատ աճել է 7-ով՝ կազմելով 393 դեպք (ոստիկանության Արմավիրի բաժին՝ 156-180, Վաղարշապատ՝ 165-143, Բաղրամյան՝ 32-26, Մեծամոր՝ 40-37): Բացահայտման ցուցանիշը կազմել է 93,4%, որը 6%-ով բարձր է միջին հանրապետական ցուցանիշից (ՀՀ-ում` 87,4%): 

Միջին հանրապետական ցուցանիշներից բարձր են նաև 7,3%-ով (92,8-85,5) միջին ծանրության, 9,4%-ով (73,7-64,3) ծանր, 6,6%-ով (90-83,4) քր. հետախուզության գծով, 1,1%-ով (96-94,9) անձի դեմ, 6,1%-ով (100-93,9) հասարակական անվտանգության, կարգի, բնակչության առողջության դեմ, 0,7-ով (78,7-78) սեփականության դեմ, 18,1%-ով (100-81,9) տնտեսական գործունեության դեմ, 0,4%-ով (98,3-97,9) պետական իշխանության, ծառայողի և կառավարման կարգի դեմ ուղղված հանցագործությունների բացահայտման ցուցանիշները: 

Հաշվետու ժամանակահատվածում մարզում 24-ով ավելացել է հրազեն, ռազմամթերք պատրաստելու և ապօրինի շրջանառության հայտնաբերված դեպքերի քանակը: 

2012 թ. 1-ին կիսամյակի ընթացքում մարզում առգրավվել և կամովին հանձնվել են 3 ինքնաձիգ, 2 ինքնաշեն ինքնաձիգ, 4 ատրճանակ, 4 ինքնաշեն ատրճանակ, 8 ինքնաշեն կրակող սարք, 12 գազային և մեկնարկային ատրճանակ, 20 ողորկափող հրազեն, 7 կարճեցված փողով հրացան, 2 ակոսավոր հրացան, 60 նռնակ, 4 ինքնաշեն նռնակ, 8 արկ, 3 ական, 2 ականանետ, 370 ճայթիչ-պայթուցիչ, 1 պայթուցիկ սարք, 8.700 գրամ պայթուցիկ նյութ, տարբեր տրամաչափի 10.896 փամփուշտ, 53 փամփշտակալ, 12 սառը զենք, 0,92 մետր դետոնացիոն քուղ և 10 այլ ռազմամթերք: 

2012 թ. 1-ին կիսամյակի ընթացքում անչափահասների շրջանում տարված պրոֆիլակտիկ-կանխարգելիչ միջոցառումների շնորհիվ մարզում նվազել է արձանագրված հանցագործությունների քանակը: Արձանագրվել է 7 անչափահասների կողմից կատարված 8 հանցագործության դեպք, 2011 թ. 1-ին կիսամյակում արձանագրվել է 16 անչափահասների կողմից կատարված 23 հանցագործության դեպք: 

Քրեական հետախուզության գծով մարզում գրանցվել է 261 հանցագործություն՝ նախորդ տարվա 275-ի դիմաց, քանակը նվազել է 14-ով: Բացահայտման ցուցանիշը կազմել է 90%, որը 6,6%-ով բարձր է միջին հանրապետական ցուցանիշից (ՀՀ-ում` 83,4%):   

 Արձանագրված միջին ծանրության 139 հանցագործությունների (2011 թ.՝ 137) բացահայտման ցուցանիշը կազմել է 92,8% և 7,3%-ով բարձր է միջին հանրապետականից (ՀՀ-ում` 85,5%): 

Անրադառնալով գրանցված ծանր հանցագործությունների դինամիկային հարկ է նշել, որ մարզում արձանագրվել է ծանր հանցագործությունների դեպքերի քանակի 56-ով նվազում (38-94), որոնց բացահայտման ցուցանիշը կազմել է 73,7%, ինչը 9,4%-ով բարձր է միջին հանրապետական ցուցանիշից (ՀՀ-ում` 64,3%):  

Մարզում գրանցվել են առանձնապես ծանր հանցագործությունների 5 դեպքեր (2011 թ.՝ 4), որոնց բացահայտման ցուցանիշը, չնայած որ 10%-ով աճել է նախորդ տարվա համեմատ՝ կազմելով 60%, սակայն 20,8%-ով ցածր է միջին հանրապետականից (ՀՀ-ում` 80,8%):  

Հաշվետու ժամանակահատվածում արձանագրվել է սպանության 3 դեպք միայն Վաղարշապատում (որոնցից 2-ը` 04.02.2012 թ. երեկոյան Չարենցի փողոցի թիվ 7 հասցեի դիմաց անհայտ անձի կողմից հրազենով Արտակ Սիմոնյանի սպանությունը և անհայտ անձի կողմից Աբգար Սիմոնյանի սպանությունը, որի դիակը 07.06.2012 թ. ժամը 10.50-ի սահմաններում հայտնաբերվել էր Էջմիածին-Արմավիր ճանապարհի 1-ին կիլոմետրի ճամփեզրին, մարմնի տարբեր մասերում բռնության հետքերով), մնացել են չբացահայտված, ինչի արդյունքում այս հանցատեսակի բաժնի և միջմարզային բացահայտման ցուցանիշները կազմել են 33.3%, որը 16,7%-ով նվազել է նախորդ տարվա համեմատ և 34,6%-ով էլ ցածր է միջին հանրապետական ցուցանիշից (ՀՀ-ում` 67,9%):  

Դիտավորությամբ ծանր մարմնական վնասվածք պատճառելու 3 դեպքերից  չբացահայտված են մնացել Արմավիրում արձանագրված 2 դեպքերը (01.12.2011 թ. հայտնաբերվել է Արմավիր քաղաքի բնակիչ Սամվել Հակոբյանի դիակը, գլխի շրջանում առկա են եղել վնասվածքներ, որոնք ունեցել են կենդանության ժամանակ առողջությանը ծանր վնաս պատճառելու հատկանիշներ): Չբացահայտված է մնացել նաև 06.04.12 թ. Սարդարապատ գյուղի գերեզմանատան մոտակայքում անհայտ անձանց կողմից Ա.Կուրղինյանին և Ս.Պողոսյանին ծեծի ենթարկելու և ծանր մարմնական վնաս պատճառելու դեպքը: Ոստիկանության Արմավիրի բաժնի այս հանցատեսակի բացահայտման ցուցանիշը կազմել է 0%, իսկ միջմարզային ցուցանիշը՝ 33,3%, որը 66,7%-ով նվազել է նախորդ տարվա համեմատ և 48,4%-ով ցածր է միջին հանրապետական ցուցանիշից (ՀՀ-ում` 81,7%):

2012 թ. 1-ին կիսամյակի ընթացքում մարզում գրանցված ճանապարհատրանսպորտային 23 պատահարների, այդ  թվում  4-ը՝  մահվան  ելքով, խուլիգանությունների 9, ընդ որում 1-ը` զենքի գործադրմամբ և հասարակական անվտանգության, կարգի, բնակչության առողջության դեմ ուղղված 3 այլ  հանցագործությունների բացահայտման ցուցանիշները կազմել են 100%:

Գրանցված սեփականության դեմ ուղղված 94 հանցագործությունների բացահայտման ցուցանիշը կազմել է 78,7%, որը 0,7%-ով բարձր է միջին հանրապետականից (ՀՀ-ում` 78%):

Անձնական ունեցվածքի ավազակությամբ հափշտակության 2 դեպքեր գրանցվել են միայն Վաղարշապատում, որոնցից չբացահայտված է մնացել դիմակավորված 3 անձանց կողմից ապրիլի 2-ին, ժամը 04.00-ին, Թաիրովի «Բուրգ» խաղատնից զենքի սպառնալիքով կատարված խոշոր չափերի հասնող գումարի հափշտակությունը, ինչի արդյունքում ոստիկանության  բաժնի և միջմարզային բացահայտման ցուցանիշները կազմել են 50%, որը 28,8%-ով ցածր է միջին հանրապետական ցուցանիշից (ՀՀ-ում` 78,8%):

Հաշվետու ժամանակահատվածում մարզում գրանցված անձնական գույքի 64 գողություններից չբացահայտված են մնացել 16-ը, բացահայտման միջմարզային ցուցանիշը կազմել է 75%, որը 1,2%-ով բարձր է միջին հանրապետականից (ՀՀ-ում` 73,8%):

Գրանցված բնակարանային 11 գողություններից չբացահայտված են մնացել 6-ը, ինչի արդյունքում այս հանցատեսակի միջմարզային բացահայտման ցուցանիշը կազմել է 45,5%, որը 0,4%-ով ցածր է միջին հանրապետականից (ՀՀ-ում` 45,9%):

 Մարզում գրանցվել է տնտեսական գործունեության դեմ ուղղված 11 հանցագործութ-յուն, որոնք բոլորն էլ բացահայտվել են (ՀՀ-ում` 81,9%):

Պետական իշխանության ծառայողի և կառավարման կարգի դեմ ուղղված 60 հանցագործությունների բացահայտման ցուցանիշը կազմել է 98,3%, որը 0,4%-ով բարձր է միջին հանրապետական ցուցանիշից (ՀՀ-ում` 97,9%): 

Հայտնաբերվել է թմրամիջոցների ապօրինի շրջանառության 41 դեպք, որոնցից 19-ը՝ ՀՀ քր. օր.-ի 266 հոդվածի հատկանիշներով: 

2012 թ. 1-ին կիսամյակի ընթացքում ենթակա բաժինների կողմից հայտնաբերվել են 80 հետախուզվողներ, որոնցից առանց ՀՀ քր. օր.-ի 327 հոդվածի հատկանիշների՝ 29: Նրանցից 7-ը հետախուզվել են ծանր և առանձնապես ծանր հանցագործություններ կատարելու համար: Հայտնաբերվել են նաև ՀՀ քր. օր.-ի 327 հոդվածի 1-ին մասով հետախուզվող 51 անձինք: Հետախուզվող 8 անձինք էլ հայտնաբերվել են ՀՀ ոստիկանության այլ բաժինների կողմից: