ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Հետևողական պայքար ապօրինի ծառահատումների դեմ (ՏԵՍԱՆՅՈՒԹ)

Հետևողական պայքար ապօրինի ծառահատումների դեմ (ՏԵՍԱՆՅՈՒԹ)

Կա հանցատեսակ, որ մեծ հաշվով և գողություն է, և սպանություն, նույնիսկ ինքնասպանություն: Ապօրինի ծառահատումն է: Ծառահատում չէ, անտառահատում է: Եվ դրա դեմ պայքարում ոստիկանությունը որդեգրել է առավելագույնս հետևողական լինելու սկզբունքը:
Ոստիկանության պետ Վլադիմիր Գասպարյանի ցուցումով նոյեմբերի 6-ից 7-ը Տավուշի մարզում ծավալուն գործողություններ են իրականացվել ապօրինի անտառահատման դեպքերի բացահայտման ուղղությամբ: 
Ընդամենը մեկ գիշերվա ընթացքում կանգնեցվել ու համապատասխան տարածք է տեղափոխվել շուրջ վեց տասնյակ բեռնատար ու կիսաբեռնատար ավտոմեքենա, որոնցից երկուսը բարձված է եղել տախտակով, երկուսը՝ ընկուզենու փայտով (որի մեկ խորանարդ մետրի շուկայական գինն, ի դեպ 300 հազար դրամ է), իսկ մնացածը՝ վառելափայտով: Մինչ այս գործողությունն էլ օպերատիվ-հետախուզական միջոցառումների արդյունքում հայտնաբերվել է շուրջ հարյուր մեքենա, որոնք կներգրավվեն արդեն իսկ սկսված քննության ընթացքում:
Ստուգումներ են իրականացվել 18 փայտամշակման ձեռնարկություններում՝ սղոցարաններ, չորանոցներ և այլն: 
Ոստիկանության մի շարք ստորաբաժանումների համագործակցությամբ մի քանի ժամվա ընթացքում բերման է ենթարկվել 55 անձ, մեկը ձերբակալված է:  
Գործողության ընթացքում հայտնաբերվել և առգրավվել են փաստաթղթեր, որոնք կամ կեղծ են, կամ ժամկետանց, հայտնաբերվել են հատումն արգելված ծառատեսակներ կտրելու դեպքեր, փաստաթղթում նշված և առկա փայտանյութի տեսականու անհամապատասխանութւթյան դեպքեր և այլն: Նշանակվել են տասնյակ մասնագիտական փորձաքննություններ:
Կատարվում են ստուգումներ, որոնց ընթացքում ոչ միայն վերջնականապես կճշտվեն անտառի ապօրինի արդյունահանմամբ զբաղվող վայ-ձեռնարկատերերը, այլև նրանց «տանիքները»:
Ոստիկանության թիրախը ո՛չ փայտ տեղափոխող վարորդն է, ոչ էլ փայտահատ գյուղացին: Մանավանդ, որ գյուղացին ապօրինության անհրաժեշտություն չունի. յուրաքանչյուր գյուղաբնակ ընտանիքի 8 խորանարդ մետր անվճար վառելափայտ է հատկացվում: 
Մի փոքր թվաբանություն: Միայն Իջևանի շրջանում շուրջ հինգ տասնյակ փայտամշակման ձեռնարկություն է գործում: Ենթադրելի է, որ նույնքան էլ՝ անտառ ունեցող մյուս տարածաշրջաններում: Եվ այդ ձեռնարկություններն աշխատում են գիշեր-ցերեկ, քանի որ պատվիրատուներն ու «տանիքները» ոչ մի կերպ չեն հագենում, ինչը հղի է բնապահպանական աղետի հեռանկարով: Հետևաբար ոստիկանության գործողություններն այս ուղղությամբ շարունակական և ավելի ծավալուն են լինելու, որոնց մասին պարբերաբար տեղեկատվություն կտրամադրվի հանրությանը: 
 
 
 
 
 
 
 
`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: