ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Ինքնաձիգ, ատրճանակներ, նռնակներ․ ոստիկանության բաժիններում կամավոր զենք-զինամթերք է հանձնվել

Գործարանային համարով «Կալաշնիկով» ինքնաձիգը, ինքնաձիգի պահունակներն ու տարբեր տրամաչափի 71 փամփուշտը ոստիկանության Արագածի բաժնի ծառայողների բացատրական աշխատանքի արդյունքում կամավոր հանձնել է Արագածոտնի մարզի Ռյա Թազա գյուղի 46-ամյա մի բնակիչ։ Տղամարդու հայտնածով՝ տանիքը մաքրելիս գտած զենք-զինամթերքը պատկանել է հանգուցյալ հորը։
Ոստիկանության Նոր Նորքի բաժնի Ավանի բաժանմունքի ծառայողների բացատրական աշխատանքի արդյունքում մայիսի 19-ին Ավանում բնակվող 28-ամյա մի երիտասարդ կամավոր հանձնել է հանգուցյալ պապին պատկանած «SS» ատրճանակը։
Արթիկի ոստիկանների բացատրական աշխատանքի շնորհիվ էլ Արթիկում բնակվող 27-ամյա մի երիտասարդ բաժին է բերել հանգուցյալ հորեղբորը պատկանած «ՏՕԶ» տիպի ակոսափող հրազեն ու 52 հատ փամփուշտ, որոնք, ըստ նրա, գտել է նկուղը մաքրելիս։
Հրազդանի Ջրառատ թաղամասի բնակիչ, 43-ամյա մի տղամարդ ոստիկանության Հրազդանի բաժնում կամավոր հանձնել է «Ֆ-1» տիպի նռնակ, ինքնաձիգի պահունակ ու 90-ից ավելի տարբեր տրամաչափի փամփուշտ։ Նրա հայտնածով` զինամթերքը պատկանել է հանգուցյալ հորեղբորը։
Վաղարշապատի բաժնի քրեական հետախույզների բացատրական աշխատանքի արդյունքում Էջմիածնի 41-ամյա մի բնակիչ կամավոր հանձնել է կարճեցված փողով առանց գործարանային համարի հրացան, ինքնաձիգի փամփշտատուփ և 130-ից ավելի տարբեր տրամաչափի փամփուշտ՝ հայտնելով, որ դրանք պատկանել են հանգուցյալ եղբորը։
Երևանի բնակիչ, 46-ամյա մի տղամարդ Քանաքեռ-Զեյթունի համայնքային ոստիկանների բացատրական աշխատանքի արդյունքում կամավոր հանձնել է պայթուցիչով «Ֆ-1» տիպի նռնակ ու տարբեր տրամաչափի 123 փամփուշտ։ Նռնակը, նռնակի պայթուցիչն ու տարբեր տրամաչափի 169 փամփուշտը դարձյալ Քանաքեռ-Զեյթունի բաժնում կամավոր հանձնել է Երևանի բնակիչ, 33-ամյա մի տղամարդ. այս դեպքում ապօրինի զինամթերքը հանձնվել է բաժնի քրեական հետախույզների բացատրական աշխատանքի շնորհիվ։
Մալաթիայի համայնքային ոստիկանների բացատրական աշխատանքի շնորհիվ Երևանի բնակիչ, 43-ամյա մի տղամարդ բաժնում կամավոր հանձնել է որսորդական հրացան, նռնակներ, փամփշտատուփեր ու տարբեր տրամաչափի 150 փամփուշտ, որոնք պատկանել են հանգուցյալ հորը։
Ինքնաշեն ատրճանակը, պայթուցիչով «Ֆ-1» տիպի նռնակն ու ինքնաձիգի 118 փամփուշտը ոստիկանության Անիի բաժնում կամավոր հանձնել է Մարալիկ քաղաքի բնակիչ, 53-ամյա մի տղամարդ։ Նրա հայտնածով` ապօրինի զենք-զինամթերքը գտել է տան իրերը դասավորելիս։ Դրանք պատկանել են տարիներ առաջ մահացած հորը։
Նշանակվել են դատաձգաբանական փորձաքննություններ։
Հիշեցնենք, որ ապօրինի պահվող զենք-զինամթերքը կամավոր հանձնողներն ազատվում են քրեական պատասխանատվությունից։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: