Անասնագողությունները բացահայտվեցին

Նոյեմբերի 18-ին, ժամը 13.30-ին, ոստիկանության Դավիթաշենի բաժանմունքի ծառայողները Կոտայքի մարզի Եղվարդ քաղաքի Առափնյա փողոցի թիվ 63 տան հասցեին կից անասնագոմի տարածքից, գողություն կատարելու կասկածանքով, բերման են ենթարկել 1986 թ. ծնված Արթուր Մ.-ին և 1985 թ. ծնված Լիանա Մ.-ին, ովքեր խոստովանական բացատրություններ են տվել, որ նախնական համաձայնության գալով` մուտք են գործել 1955 թ. ծնված Վարդան Մ.-ին պատկանող, Էջմիածին քաղաքի «Չոբանքյարա» կոչվող տարածքում գտնվող անասնագոմ և այնտեղից գողացել մեկ խոշոր եղջերավոր անասուն:
Գողոնն առգրավված է:
Նախապատրաստված նյութերն ուղարկվել են Վաղարշապատի բաժին:

***
Նոյեմբերի 16-ին, ժամը 21.20-ին, ոստիկանության Արմավիրի բաժնում 1961 թ. ծնված Հովհաննես Դ.-ն հաղորդում է տվել, որ նույն օրը, ժամը 13.00-ից 15.00-ն ընկած ժամանակահատվածում, իր հարևանին պատկանող բաց հողամասում նկատել է, որ այնտեղ կապված իրեն պատկանող չորս խոշոր եղջերավոր անասուներից մեկը բացակայում է, ու հնարավոր է գողացած լինեն:
Պատճառվել է մոտ 340.000 դրամի նյութական վնաս:
Նոյեմբերի 18-ին ոստիկանության ծառայողները պարզել են, որ գողությունը կատարել է 1964 թ. ծնված Արմեն Բ.-ն, ով նույն օրը, ժամը 10.05-ին, Նոր Արմավիր գյուղից բերման է ենթարկվել ոստիկանություն և տվել խոստովանական բացատրություն:
Գողոնն առգրավված է:
Կատարվում է քննություն: