Մահվան ելքով վրաերթ կատարած վարորդը հայտնաբերվել է

Դեկտեմբերի 2-ին, ժամը 19.30-ի սահմաններում, Սպիտակ-Երևան ճանապարհի 8-րդ կմ-ին՝ Լոռու մարզի Ջրաշեն գյուղի մոտ, անհայտ մակնիշի ավտոմեքենայի վարորդը վրաերթի էր ենթարկել երկու քաղաքացիների և դիմել փախուստի. 50-ամյա Կարինե Գոգորյանը տեղում մահացել էր, իսկ 29-ամյա մյուս քաղաքացին մարմնական վնասվածքներով տեղափոխվել էր հիվանդանոց:
Դեպքի առթիվ Սպիտակի քննչական բաժնում հարուցվել է քրեական գործ։
Ոստիկանության Սպիտակի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է, որ քաղաքացներին վրաերթի է ենթարկել 64-ամյա տղամարդը՝ իր վարած «Լեքսուս», մակնիշի ավտոմեքենայով, և դիմել փախուստի:
Դեկտեմբերի 2-ին, ժամը 23.55-ին «սրտային նոպայով» նա ընդունվել է հիվանդանոց, իսկ դեկտեմբերի 3-ին, ժամը 17.00-ի սահմաններում, տվել է խոստովանական ցուցմունք:
Ձեռնարկվում են միջոցառումներ՝ ավտոմեքենան ոստիկանության Սպիտակի բաժնի պահպանվող հատուկ տարածք տեղափոխելու ուղղությամբ:
Կատարվում է նախաքննություն: