Ամփոփ տեղեկատվություն 2015 թ. 2 ամիսների ընթացքում ՀՀ ոստիկանության ստորաբաժանումների կողմից առգրավված կամ անցկացված բացատրական աշխատանքների արդյունքում բնակչության կողմից կամավոր հանձնված զենք եւ ռազմամթերքի վերաբերյալ

2015 թ. 2 ամիսների ընթացքում ոստիկանության ստորաբաժանումների կողմից հանրապետության տարածքում առգրավվել կամ բնակչության կողմից կամավոր հանձնվել է 126 միավոր հրազեն, ինչպես նաեւ 5 միավոր գազային, մեկնարկարկային եւ օդամղիչ զենք:
Նշված 126 միավոր հրազենից 18-ն առգրավվել է, 14-ը` հայտնաբերվել, իսկ 94-ը հանձնվել է կամավոր: Դրանցից 7-ը եղել է ատրճանակ , 8-ը` ինքնաշեն ատրճանակ, 5-ը` ինքնաշեն կրակող սարք, 8-ը` ինքնաձիգ, 95-ը` տարբեր տեսակի գործարանային եւ ինքնաշեն հրացաններ, 1-ական` ինքնաշեն ինքնաձիգ, նռնականետ եւ գնդացիր:
Նույն ժամանակահատվածում հայտնաբերվել կամ առգրավվել է տարբեր տրամաչափի 7748 փամփուշտ, 7.1 մետր դետոնացիոն քուղ, 58 միավոր սառը զենք, գործարանային եւ ինքնաշեն 70 նռնակ, նռնակի 66 պայթուցիչ, 190 պայթուցիկ սարք, 5.5 կգ պայթուցիկ նյութ, 47 ական եւ արկ , 3 ճայթիչ եւ այլն:
Այս տարվա երկու ամիսների ընթացքում Երեւան քաղաքում հայտնաբերվել կամ կամավոր հանձնվել է 10 միավոր հրազեն: