Համայնքային ոստիկանները 45-ամյա վանաձորցու մոտ թմրամիջոց են հայտնաբերել
Համայնքային ոստիկանության Բազումի բաժնում օպերատիվ տեղեկություն էր ստացվել, որ Վանաձոր քաղաքի 45-ամյա բնակիչը թմրամիջոց և հոգեմետ դեղահաբեր է պահում:
Իրացնելով օպերատիվ տեղեկությունը՝ համայնքային ոստիկանները հունվարի 10-ին 45-ամյա տղամարդուն Վարդանանց փողոցում հայտնաբերել, ձերբակալել և «Մերսեդես» մակնիշի մեքենայով հանդերձ՝ տեղափոխել են բաժին: Նրա անձնական խուզարկությամբ հայտնաբերվել են թմրամիջոցի նմանվող 5,31 գրամ զանգված և 6 դեղահաբ:
Պարզվել է, որ 45-ամյա վանաձորցին թմրամիջոցի մի մասը ձեռք էր բերել տելեգրամյան ալիքի միջոցով, իսկ մի մասը պատրաստել էր անձամբ: Պարզվել է նաև, որ նրա մեքենայում ևս թմրամիջոց կա: Նախաձեռնվել է քրեական վարույթ:
Վանաձորի բնակիչ 45-ամյա տղամարդը տեղափոխվել է ձերբակալվածների պահման վայր, իսկ «Մերսեդեսը»՝ Բազումի բաժնի պահպանվող հատուկ տարածք:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
