Սարդարապատ գյուղի բնակչի ավտոտնակում Արմավիրի համայնքային ոստիկանները թմրամիջոց են հայտնաբերվել
11.12.2025 16:15
Թմրամիջոցի հայտնաբերում
Համայնքային ոստիկանության Արմավիրի բաժնի ծառայողները օպերատիվ տեղեկություններ էին ստացել, որ Սարդարապատ գյուղի 51-ամյա բնակիչը տանը թմրամիջոց է պահում:
Նախաձեռնվել է քրեական վարույթ, որի շրջանակում կատարված զննությամբ 51-ամյա սարդարապատցու ավտոտնակում հայտնաբերվել են թմրամիջոցի նմանվող՝ ընդհանուր 6,43 գրամ զանգվածով փաթեթներ: Պարզվել է նաև, որ նա թմրամիջոցը պատրաստել էր տնամերձ հողամասում աճեցրած կանեփից:
51-ամյա տղամարդը ձերբակալվել և տեղափոխվել է ձերբակալվածների պահման վայր:
Կատարվում է նախաքննություն:
`
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
