Քրեական ոստիկանները Ստեփանավանի բնակչի տան բակում թմրամիջոց են հայտնաբերել
Քրեական ոստիկանության Լոռու մարզային վարչության ծառայողները օպերատիվ տեղեկություններ էին ստացել, որ Ստեփանավան քաղաքի 48-ամյա բնակիչը թմրանյութ է պահում։
Դեկտեմբերի 16-ին նշված հասցե մեկնած քրեական ոստիկանները 48-ամյա տղամարդու տան բակում գտնվող անվադողերի և ավտոմեքենայի տեսանելի հատվածներում նկատել են թմրամիջոցի նմանվող դեղնականաչավուն զանգվածներ:
48-ամյա ստեփանավանցին ձերբակալվել և տեղափոխվել է մարզային վարչություն։
Կազմված փաստաթղթերը ներկայացվել է նախաքննական մարմին։ Նախաձեռնվել է քրեական վարույթ, որի շրջանակում կատարված զննությամբ 48-ամյա ստեփանավանցու տան բակում հայտնաբերվել է մոտ 360 գրամ կանեփանման չորացված մանրացված զանգված։
48-ամյա տղամարդը տեղափոխվել է ձերբակալվածների պահման վայր։
Նախաքննությունը շարունակվում է։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
