Կապանի բնակիչը մեծ քանակությամբ թմրամիջոց էր պահում. քրեական և համայնքային ոստիկանների բացահայտումը
Քրեական ոստիկանության Սյունիքի մարզային վարչության ծառայողները օպերատիվ տեղեկություն էին ստացել, որ Կապան քաղաքի 66-ամյա բնակիչը Երկաթուղայինների 3-րդ նրբանցքում գտնվող հայրական տանը թմրամիջոց է պահում:
Համայնքային ոստիկանության Կապանի բաժնի ծառայողների հետ համատեղ ձեռնարկած ստուգողական միջոցառումների արդյունքում պարզվել է, որ տեղեկությունը հավաստի է:
Կազմված փաստաթղթերն ուղարկվել են Սյունիքի մարզային քննչական վարչություն: Նախաձեռնված քրեական վարույթի շրջանակում կատարված զննությամբ վերոհիշյալ տանը կից տարածքում հայտնաբերվել է մարիխուանա թմրամիջոցի նմանվող 290,92 գրամ զանգված:
Կատարվում է նախաքննություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
