Արագ շախմատի ՀՀ ոստիկանության առաջնության արդյունքները (ՏԵՍԱՆՅՈՒԹ)

Փետրվարի 13-ից 15-ն անցկացվեց արագ շախմատի ՀՀ ոստիկանության առաջնությունը:
Մասնակցում էին ՀՀ ոստիկանության 20 ստորաբաժանումների և Արցախի Հանրապետության ոստիկանության հավաքական թիմերը:
Անհատական պայքարում 3-րդ հորիզոնականը գրավեց Արմենակ Գևորգյանը, 2-րդը՝ Իշխան Հակոբյանը, իսկ առաջին պատվավոր տեղը գրավեց Նորայր Միրզոյանը:
Թիմային պայքարում 3-րդ տեղը գրավեց ոստիկանության պարեկապահակետային ծառայության գնդի թիմը, 2-րդ տեղը՝ ոստիկանության կրթահամալիրի թիմը, իսկ առաջինը ոստիկանության Երևան քաղաքի վարչության թիմն էր:
Լավագույն խաղային կոմբինացիա ցուցաբերելու համար Գոռ Հարությունյանն արժանացավ Հայկ Փարսադանյանի մրցանակին:
Պարգևները հանձնեցին ոստիկանության մարտական և ֆիզիկական պատրաստականության բաժնի պետ Արմեն Մկրտչյանը և Հայաստանի շախմատի ֆեդերացիայի նախագահի տեղակալ, գրոսմայստեր Սմբատ Լպուտյանը: