Ճանապարհատրանսպորտային պատահարներ Հայաստանում

Ապրիլի 14-ին, ժամը 08.20-ին, Երևանի Էրեբունու փողոցում անհայտ ավտոմեքենայի վարորդը վրաերթի է ենթարկել 45-ամյա քաղաքացու, որը մարմնական վնասվածքներով տեղափոխվել է հիվանդանոց:
Պարզվել է, որ քաղաքացուն վրաերթի է ենթարկել «Օպել» մակնիշի ավտոմեքենայի 51-ամյա վարորդը, որը բերման է ենթարկվել ոստիկանություն։ Նա տվել է խոստովանական բացատրություն:
Կատարվում է քննություն:

***
Ապրիլի 14-ին, ոստիկանության Քանաքեռ-Զեյթունի բաժին հաղորդում էր ստացվել, որ ժամը 17.50-ին Երևանի Պ. Սևակի փողոցում տեղի ունեցած վրաերթի հետևանքով 12-ամյա տղան մարմնական վնասվածքներով տեղափոխվել է հիվանդանոց:
ՔՀԲ ծառայողների ձեռնարկած միջոցառումների շնորհիվ, վրաերթ կատարելու կասկածանքով, Երևանի Ահարոնյան փողոցից բերման է ենթարկվել «Տոյոտա» մակնիշի ավտոմեքենայի 33-ամյա վարորդը, որը տվել է խոստովանական բացատրություն:
Կատարվում է քննություն:

***
Ապրիլի 14-ին, ժամը 15.05-ի սահմաններում, Արարատի մարզի Դիմիտրով գյուղում «ՎԱԶ-2107» մակնիշի ավտոմեքենայի վարորդը վրաերթի է ենթարկել 75-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն:

***
Ապրիլի 14-ին, ժամը 13.35-ին, պոլիկլինիկայից ոստիկանության Վաղարշապատի բաժին հաղորդում է ստացվել, որ մարմնական վնասվածքներով բուժօգնության է ընդունվել 87-ամյա քաղաքացի, որը հայտնել է, թե վրաերթի է ենթարկվել:
Պարզվել է, որ ապրիլի 10-ին, ժամը 13.00-ի սահմաններում, Արմավիրի մարզի Փարաքար գյուղում քաղաքացուն վրաերթի է ենթարկել «Տոյոտա Քեմրի» մակնիշի ավտոմեքենայի 50-ամյա վարորդը:
Կատարվում է քննություն:

***
Ապրիլի 14-ին, ժամը 17.00-ի սահմաններում, Վանաձոր-Ալավերդի ճանապարհի 15-րդ կմ-ին իրար են բախվել «ՈՒԱԶ» և «Տոյոտա Քեմրի» մակնիշի ավտոմեքենաներ. «Տոյոտա Քեմրիի» 54-ամյա վարորդը մարմնական վնասվածքներով տեղափոխվելէ հիվանդանոց:
Կատարվում է քննություն:

***
Ապրիլի 14-ին, ժամը 19.40-ի սահմաններում, Հրազդան քաղաքի Զորավար Անդրանիկի փողոցում իրար են բախվել մոտոցիկլետ և «ՎԱԶ-2115» մակնիշի ավտոմեքենա. 23-ամյա մոտոցիկլավարը և 23-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն: