Ճանապարհատրանսպորտային պատահարներ հանրապետությունում

Մարտի 17-ին, ժամը 10.50-ին, Երևանի Ծիծեռնակաբերդի խճուղում «Մերսեդես» մակնիշի ավտոմեքենան բախվել է ճանապարհի եզրաքարերին. 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մարտի 17-ին, ժամը 23.00-ին, Երևանի Աթենքի փողոցում իրար են բախվել երկու «Օպել» մակնիշի ավտոմեքենաներ, որոնցից մեկի 34-ամյա վարորդը, մյուսի 63-ամյա ուղևորուհին մարմնական վնասվածքներով տեղափոխվել են հիվանդանոց:
Կատարվում է քննություն։

***
Մարտի 17-ին, ժամը 16.30-ին, Երևանի Նանսենի և Թոթովենցի փողոցների խաչմերուկում իրար են բախվել «Տոյոտա» և «Օպել» մակնիշի ավտոմեքենաներ. «Տոյոտայի» երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Մարտի 17-ին, ժամը 19.00-ի սահմաններում, Երևան-Գյումրի ճանապարհի 60-րդ կմ-ին «Մերսեդես» մակնիշի ավտոմեքենան դուրս է եկել երթևեկելի գոտուց և բախվել բետոնե արգելապատնեշին. 34-ամյա վարորդը և 43-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Մարտի 17-ին ոստիկանության Սևանի բաժնում հաղորդում է ստացվել, որ մարմնական վնասվածքներով հիվանդանոց է դիմել 54-ամյա մի կին եւ հայտնել, որ վնասվածքները ստացել է Սևան-Դիլիջան ճանապարհին տեղի ունեցած ավտովթարի հետևանքով:
Ձեռնարկվում են միջոցառումներ՝ կնոջը հայտնաբերելու և դեպքի հանգամանքները պարզելու ուղղությամբ:

***
Մարտի 17-ին, ժամը 17.40-ի սահմաններում, Երևան-Իջևան ճանապարհի 71-րդ կմ-ին «ԲՄՎ» մակնիշի ավտոմեքենան դուրս է եկել երթևեկելի գոտուց և ընկել Սևանա լիճը. 41-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Մարտի 17-ին, ժամը 08.30-ի սահմաններում, Սպիտակ-Վանաձոր ճանապարհի 8-րդ կմ-ին իրար են բախվել «ՊԱԶ-672M» ավտոբուսը և «Օպել» մակնիշի ավտոմեքենան, ինչի հետևանքով ավտոբուսը կողաշրջվել է. 40-ամյա վարորդը և 21 ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Մարտի 17-ին, ժամը 20.25-ի սահմաններում, Հրազդան քաղաքի Միկրոշրջան թաղամասի 4-րդ փողոցում «Օպել» մակնիշի մեքենայի վարորդը վրաերթի է ենթարկել 39-ամյա քաղաքացու և իր մեքենայով տեղափոխել հիվանդանոց:
Կատարվում է քննություն։