Ճանապարհատրանսպորտային պատահարներ Հայաստանում

Օգոստոսի 24-ին, ժամը 12.30-ին, Երևանի Ա. Ավետիսյան փողոցում «Մերսեդես» մակնիշի ավտոմեքենայի վարորդը վրաերթի է ենթարկել 86-ամյա քաղաքացու, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Օգոստոսի 24-ին, ժամը 01.30-ին, Երևանի Սեբաստիայի փողոցի և Ծովակալ Իսակովի պողոտայի խաչմերուկում «Դեու» մակնիշի ավտոմեքենան բախվել է եզրաքարերին. 18-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***
Օգոստոսի 25-ին, ժամը 03.00-ի սահմաններում, Արտաշատ քաղաքի Օգոստոսի 23-ի և Երևանյան փողոցների խաչմերուկում իրար են բախվել «ՎԱԶ-2121» և «Ֆոլքսվագեն Գոլֆ» մակնիշի ավտոմեքենաներ. «ՎԱԶ-2121»-ի վարորդը և ուղևորը մարմնական վնասվածքներով տեղափոխվել են հիվանդանոց:
«Ֆոլքսվագեն Գոլֆի» վարորդը, մեքենան թողնելով, լքել է դեպքի վայրը:
Կատարվում է քննություն։

***
Օգոստոսի 24-ին, ժամը 10.30-ի սահմաններում, Երևան-Իջևան ճանապարհի 62-րդ կմ-ին իրար են բախվել «Օպել» և «Նիսան» մակնիշի ավտոմեքենաներ. «Նիսանի» 43-ամյա վարորդը, երեք ուղևորները, «Օպելի» 32-ամյա վարորդը և երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Օգոստոսի 24-ին, ժամը 19.30-ի սահմաններում, Վանաձորի Երևանյան խճուղում իրար են բախվել «Օպել Աստրա», «Ֆորդ Տրանզիտ» և «ՎԱԶ-2108» մակնիշի ավտոմեքենաներ. «ՎԱԶ-2108»-ի 33-ամյա վարորդը և երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Օգոստոսի 24-ին, ժամը 11.35-ի սահմաններում, Երևան-Մեղրի ճանապարհի 182-րդ կմ-ին «Նիսան Պատֆայնդեր» մակնիշի ավտոմեքենան բախվել է «Միցուբիշի Գրանդիս» մակնիշի ավտոմեքենայի. «Միցուբիշի Գրանդիսի» 36-ամյա վարորդը, երկու ուղևորները և «Նիսան Պատֆայնդերի» երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Օգոստոսի 24-ին, ժամը 10.00-ի սահմաններում, Տավուշի մարզի Ազատամուտ գյուղում «ՎԱԶ-2106» մակնիշի ավտոմեքենայի վարորդը վրաերթի է ենթարկել 9-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն։

***
Օգոստոսի 24-ին, ժամը 15.10-ի սահմաններում, Երևան-Սևան-Իջևան ճանապարհի 124-րդ կմ-ին իրար են բախվել «ԳԱԶ-322132» և «Ֆոլքսվագեն» մակնիշի ավտոմեքենաներ. «ԳԱԶ-322132»-ի հինգ ուղևորները, «Ֆոլքսվագենի» 20-ամյա վարորդը և 37-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։