Ճանապարհատրանսպորտային պատահարներ Հայաստանում

Ապրիլի 15-ին, ժամը 13.45-ին, հիվանդանոցից հաղորդում է ստացվել, որ մարմնական վնասվածքներով բուժօգնության է տեղափոխվել 54-ամյա քաղաքացի: Պարզվել է՝ նրա վարած ավտոմեքենան Երևանի Մյասնիկյան պողոտայում բախվել է արգելապատնեշին:
Կատարվում է քննություն։

***
Ապրիլի 15-ին, ժամը 12.00-ին, Երևանի Իսակովի պողոտայում իրար են բախվել «Ֆորդ» և «Լեքսուս» մակնիշի ավտոմեքենաներ. «Լեքսուսի» 35-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։

***
Ապրիլի 15-ին, ժամը 06.00-ին, Երևանի Գայի պողոտայում «Մերսեդես» մակնիշի ավտոմեքենան բախվել է ճանապարհի եզրաքարին, ծառերին և էլեկտրասյանը. 64-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Ապրիլի 15-ին, ժամը 10.15-ին, Երևանի Ռուբինյանց փողոցում իրար են բախվել «Ֆորդ», «ՎԱԶ-2121» և «Տոյոտա» մակնիշի ավտոմեքենաներ «Տոյոտայի» վարորդը և ուղևորը, «ՎԱԶ-2121» -ի վարորդը և երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***
Ապրիլի 15-ին, ժամը 21.00-ի սահմաններում, Արարատի մարզի Շահումյան գյուղում իրար են բախվել «ՎԱԶ-2106» և «ԳԱԶ-24» մակնիշի ավտոմեքենաներ. «ԳԱԶ»-ի 44-ամյա ուղևորուհին մարմնական վնասվածքներով տեղափոխվել է հիվանդանոց, իսկ «ՎԱԶ-2106»-ի վարորդը, մեքենան թողնելով դեպքի վայրում, դիմել է փախուստի:
Կատարվում է քննություն։

***
Ապրիլի 15-ին, ժամը 17.00-ի սահմաններում, Սպիտակ-Գյումրի ճանապարհի 15-րդ կմ-ին իրար են բախվել «ՎԱԶ-2107» և «Սուզուկի» մակնիշի ավտոմեքենաներ. «ՎԱԶ-2107»-ի երկու ուղևորները և «Սուզուկիի» 63-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Ապրիլի 15-ին, ժամը 19.00-ի սահմաններում, Մայակովսկի-Աբովյան ճանապարհին կվադրոցիկլը կողաշրջվել է. կվադրոցիկլավարը և 17-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն։

***
Ապրիլի 15-ին, ժամը 12.40-ի սահմաններում, Ախուրյան-Կառնուտ ճանապարհի 2,5-րդ կմ-ին «ԲՄՎ» մակնիշի ավտոմեքենան դուրս է եկել երթևեկելի գոտուց և հայտնվել դաշտում. 26-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***
Ապրիլի 15-ին, ժամը 15.00-ի սահմաններում, Երևան-Մեղրի միջպետական ճանապարհից Նորավանք տանող ճանապարհի 7-րդ կմ-ին «Օպել Զաֆիրա» մակնիշի ավտոմեքենան դուրս է եկել երթևեկելի գոտուց և բախվել քարերին. 18-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն։