Թունավորումներ

Մարտի 8-ին, ժամը 22.55-ին, հիվանդանոցից ոստիկանության Արաբկիրի բաժնում հաղորդում է ստացվել, որ շտապօգնության խումբը «շմոլ գազի թունավորում» ախտորոշմամբ Մամիկոնյանց փողոցի տներից մեկից բուժօգնության է տեղափոխել օտարերկրյա քաղաքացիներ՝ 1993 թ. ծնված Ջեսիկա Յ.-ին և 2014 թ. ծնված Կարապետ Գ.-ին:
Մեկնած օպերատիվ խումբը պարզել է, որ նույն օրը, ժամը 22.00-ին, Ջեսիկա Յ.-ն ու նրա որդի Կարապետ Գ.-ն իրենց տանը թունավորվել են շմոլ գազի արտահոսքից՝ լոգանք ընդունելու ժամանակ:
Կատարվում է հետաքննություն:

***
Մարտի 7-ին, ժամը 21.10-ին, հիվանդանոցից ոստիկանության Հրազդանի բաժնում հաղորդում է ստացվել, որ թունավորումով բուժօգնության են տեղափոխվել 1990 թ. ծնված Լիլի Մ.-ն ու վերջինիս անչափահաս երեխաներ՝ 2012 թ. ծնված Ալեն Պ.-ն և 2014 թ. ծնված Էլլա Պ.-ն:
Մեկնած օպերատիվ խումբը պարզել է, որ նրանք թունավորվել են նույն օրը, ժամը 20-ի սահմաններում, տանը, գազի ջրատաքացուցիչին միացված ռետինե խողովակից գազի արտահոսքի հետևանքով:
Կատարվում է հետաքննություն: