Հունիսի 7-ից 11-ը անցկացվեց ոստիկանության մինի ֆուտբոլի առաջնությունը

Հունիսի 7-ից 11-ը «Դինամո» մարզական-հասարակական կազմակերպությունում անցկացվեց մինի ֆուտբոլի ոստիկանության առաջնությունը։ Մասնակցում էին Հայաստանի ոստիկանության և Արցախի ներքին գործերի նախարարության հավաքական թիմերը։ Երրորդ տեղը զբաղեցրեց Արցախի ՆԳՆ թիմը։ Եզրափակիչում ուժերը չափեցին ոստիկանության զորքերի և Երևան քաղաքի վարչության թիմերը։ Խաղն ավարտվեց 4։2 հաշվով. ոստիկանության զորքերի թիմը նվաճեց  հաղթողի կոչումը։ Հաղթող թիմին հանձնվեց փոխանցիկ գավաթը, թիմի անդամներն էլ պարգևատրվեցին դիպլոմներով, մեդալներով ու գումարով։ Մրցանակակիր թիմերի անդամները  պարգևատրվեցին մեդալներով ու դիպլոմներով։ Պարգևատրումը կատարեցին ոստիկանության մարտական և ֆիզիկական պատրաստականության բաժնի պետ Արմեն Մկրտչյանն ու ոստիկանության այլ բարձրաստիճան սպաներ։