Հերթական բացահայտմամբ Քրեական ոստիկանները շրջանառությունից հանել են 1 կգ-ից ավելի մարիխուանա

Հունվարի 14-ին Քրեական ոստիկանության Երևան քաղաքի վարչության թմրամիջոցների ապօրինի շրջանառության դեմ պայքարի բաժնի ծառայողներն ու Ազգային անվտանգության ծառայության աշխատակիցները ստացված օպերատիվ տեղեկություններն իրացնելով` Երևան քաղաքի գնդի պարեկների հետ համատեղ իրականացված ծավալուն օպերատիվ-հետախուզական միջոցառումների արդյունքում Կոմիտասի պողոտայում հայտնաբերել ու թմրամիջոց ձեռք բերելու, պահելու, օգտագործելու և իրացնելու կասկածանքով ձերբակալել են մայրաքաղաքի 27-ամյա և 40-ամյա 2 բնակչի։
27-ամյա երիտասարդի կողմից շահագործվող ավտոմեքենան տեղափոխվել է Համայնքային ոստիկանության Արաբկիրի բաժնի հատուկ պահպանվող տարածք։ Վարորդի անձնական խուզարկությամբ հայտնաբերվել է գաղտնի փականով դանակ։ 27-ամյա երևանցին հայտնել է, որ ավտոմեքենայում մարիխուանա կա։
Նախաձեռնվել է քրեական վարույթ, որի շրջանակում ավտոմեքենայի խուզարկությամբ հայտնաբերվել է 1 կգ 177 գրամ մարիխուանայի նմանվող զանգված։
Կատարվում է նախաքննություն։