ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

2019 թվականի լավագույն օպերլիազոր է ճանաչվել ոստիկանության կապիտան Օգսեն Հարոյանը

Ոստիկանության հատուկ հանձնաժողովի կողմից 2019 թվականի լավագույն օպերլիազոր ճանաչվեց ոստիկանության Երևան քաղաքի վարչության քրեական հետախուզության բաժնի ավագ օպերլիազոր Օգսեն Հարոյանը: Որոշեցինք ծանոթանալ տարվա լավագույն օպերլիազորի աշխատանքային առօրյային, շնորհավորել, զրուցել ինչպես նրա, այնպես էլ գործընկերների ու ղեկավարների հետ:
Հանցագործությունների բացահայտման գործում քրեական հետախույզների աշխատանքն առանցքային նշանակություն ունի: Երևան քաղաքի վարչության օպերլիազորներն անմիջական նախաձեռնությամբ իրականացվող աշխատանքներից զատ, օպերատիվ-հետախուզական միջոցառումներ են ձեռնարկում նաև տարածքային ստորաբաժանումների հետ, բացահայտում ինչպես ընթացիկ, այնպես էլ նախկին տարիներին կատարված հանցագործություններ, հայտնաբերում հետախուզվողների: Վկաների, դիակի, հանցագործության հետքերի, առարկաների, նաև իրեղեն ապացույց հանդիսացող փաստաթղթերի հայտնաբերումը նրանց գործառութային պարտականությունն է, և Հարոյանը 2019 թվականին այս վտանգավոր ու պատասխանատու գործում է լավագույնը ճանաչվել:
«Դեռ դպրոցական տարիներից երազել եմ իրավաբան դառնալ: Սովորել և ավարտել եմ ՀՀ Գիտությունների ազգային ակադեմիայի մագիստրատուրայի իրավագիտության ֆակուլտետը: 2012թ. աշխատանքի անցնելով ոստիկանությունում` զբաղեցրել եմ տարբեր պաշտոններ: 2017 թվականից մինչ օրս ծառայում եմ ոստիկանության Երևան քաղաքի վարչությունում` որպես օպերլիազոր»,- ներկայացրեց իր անցած ուղին Օգսեն Հարոյանը: Սակայն տարվա լավագույն օպերլիազորի հետ մեր զրույցը ստիպված ենք ընդհատել: Տեղեկություններ էին ստացվել, որ ավազակային հարձակման համար հետախուզվողը տուն է վերադարձել և քիչ անց շենքից դուրս է գալու:
Մենք էլ հեթապահ խմբի հետ նշված հասցե մեկնեցինք:
Հարոյանը ցույց տվեց գործըներներին, թե հետախուզվողը որ հարկում է բնակվում, շենքի որ մուտքից է դուրս գալու: Իրավապահները դարանակալեցին: Սպասումի ևս մի քանի ակնթարթ` և հետախուզվողն արդեն ոստիկանների մեքենայում էր:
Միջոցառումը հաջողությամբ պսակվեց: Սակայն բերման ենթարկվածի վերաբերյալ անհրաժեշտ էր կազմել համապատասխան արձանագրություններ:

Ուստի զրույցը որոշեցինք շարունակել ավագ օպերլիազորի անմիջական պետի հետ` պարզելու, թե ինչու հենց Հարոյանին ներկայացրին լավագույն օպերլիազորի կոչմանը:
«Ավագ օպերլիազոր Օգսեն Հարոյանը ոստիկանությունում ծառայում է 2012 թվականից, աշխատասեր, պարտաճանաչ ծառայող է, հանձնարարությունները կատարում է ճիշտ և ժամանակին, վայելում անձնակազմի հարգանքն ու վստահությունը: 2019 թվականի ընթացքում Հարոյանը բացահայտել է հանցագործության 27 դեպք, դրանք հիմնականում ծանր և առանձնապես ծանր հանցագործություններ են. սպանություն, ավազակային հարձակում, կողոպուտ... Հայտնաբերել է նաև հետախուզվողների: Եվ այս ամենը հաշվի առնելով` որոշվեց նրան ներկայացնել տարվա լավագույն օպերլիազորի կոչմանը»,-մեզ հետ զրույցում ասաց 7-րդ բաժանմունքի պետ Էդվարդ Անդրիասյանը:
Ոստիկանության կապիտանին դրական են բնութագրում նաև գործընկերները: «Նրա հետ ծառայելիս քեզ ավելի վստահ ես զգում,-ասացին,- ուշադիր է, ցանկացած իրավիճակում արագ է կողմնորոշվում»:
Որքան էլ ընդհանուր գծերով պատկերացնում էինք օպերլիազորի աշխատանքը, այնուամենայնիվ, օրվա հերոսին խնդրեցինք մանրամասնել:
«Քրեական հետախույզի աշխատանքը հետաքրքիր, բայց, միևնույն ժամանակ, ամենածանր ու պատասխանատու ծառայություններից է: Լինում են իրավիճակներ, երբ պարզապես սխալվելու իրավունք չունես. իրավունք չունես հանցագործին օպերատիվ տեսադաշտից կորցնելու, դեպքի վայրում հանցափաստը չտեսնելու և այլն:
Ինչ վերաբերում է 2019 թվականի լավագույն օպերլիազորի կոչմանը, ապա դա կոլեկտիվ աշխատանքի արդյունք է: Նման պարգևները պարտավորեցնում են ավելի լավ ծառայել»,-ասաց Հարոյանը:
Այսպիսին էր լավագույն օպերլիազորի մասին մեր բացահայտումը: Այլևս զբաղեցնել չենք կարող: Նրան մաղթենք բարի ծառայություն և մասնագիտական նոր ձեռքբերումներ: