ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Մարիամ Գևորգյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

2020 թվականի պահպանության լավագույն ծառայող է ճանաչվել Ռոման Մուրադյանը

Ինչպես պետական, այնպես էլ մասնավոր շատ հիմնարկ-ձեռնարկություններում` բանկերում, գրավատներում, խանութներում պահպանություն են իրականացնում ոստիկանության պետական պահպանության գլխավոր վարչության ծառայողները: Թե՛ օբյեկտների պահպանության և թե՛ քաղաքացիների հետ շփման առումով այս խիստ պատասխանատու ծառայությունը ոստիկանից պահանջում է լինել կարգապահ, բանիմաց, ֆիզիկապես պատրաստված. հատկանիշներ, որոնց շնորհիվ Էրեբունու պահպանության բաժնի ոստիկան Ռոման Մուրադյանը 2020 թվականին պահպանության լավագույն ծառայող ճանաչվեց և պարգևատրումից կարճ ժամանակ անց ստանձնեց ջոկի հրամանատարի պաշտոնը՝ ստանալով ենթասպայի ուսադիրներ։
Ոստիկանության ենթասպա Ռոման Մուրադյանն անցել է նաև մարտական ուղի։ 44-օրյա պատերազմի օրերին, երբ ոստիկանության բազմաթիվ ծառայողներ կամավորագրվում էին հայրենիքի սահմանների պաշտպանությանը, Ռոման Մուրադյանը նրանց մեջ էր։ Մարտական գործողություններին մասնակցեց ռազմաճակատի ամենաթեժ կետերից մեկում՝ Շուշիում։
Ոստիկանության ՊՊԳՎ Էրեբունու պահպանության բաժնի առօրյան նման է զինվորական ծառայության՝ սկսվում է առավոտյան հրահանգավորումով: Բաժնի պետը կամ հրամանատարները ներկայացնում են օրվա խնդիրները, խոսում ծառայության ընթացքում հայտնաբերված թերությունների մասին, անձնակազմին ծանոթացնում անհրաժեշտ հրաման-հրահանգներին, տալիս հանձնարարականներ: Հրամանատարների ցուցումները, ի թիվս գործառութային այլ պարտականությունների, հմտորեն, ճիշտ և ժամանակին է կատարում ջոկի հրամանտար Ռոման Մուրադյանը, որի մասնագիտական որակների մասին զրուցեցինք Էրեբունու պահպանության բաժնի պետի հետ։
«2020 թվականը ծանրաբեռնված էր ոստիկանության համար. մի կողմից համավարակի դեմ ուղղված միջոցառումներն էին, մյուս կողմից՝ պատերազմը, որին մասնակցել է նաև Ռոման Մուրադյանը։
Պահակակետում ծառայություն իրականացնելուց բացի, Ռոման Մուրադյանը 2020 թվականին մասնակցել է նաև հանցագործությունների բացահայտման աշխատանքների։ Տեղեկություններ է ստացել ապօրինի թրմաշրջանառության, անձնական ունեցվածքի գողությունների վերաբերյալ, և դրանք իրացնելու արդյունքում հացագործությունները բացահայտվել են։ Բացի այդ, նրա բացատրական աշխատանքի արդյունքում քաղաքացին ներկայացել է Էրեբունու պահպանության բաժին և հանձնել զենք-զինամթերք։ Այս ամենը հաշվի առնելով՝ որոշում կայացվեց Ռոման Մուրադյանին ներկայացնել պահպանության լավագույն ծառայողի կոչմանը»,-ասաց Էրեբունու պահպանության բաժնի պետ Արման Առուստամյանը։
Բաժնում առանձնակի կարևորություն է տրվում նաև ուսումնամեթոդական պարապմունքներին։ Յուրաքանչյուր ծառայող պետք է լավ տիրապետի զենքին, անվտանգության ու կիրառման կանոններին: Մուրադյանը մարտական և ֆիզիկական պատրաստականության հարցում նույնպես լավագույններից է։
«Զինվորական ծառայությունից անմիջապես հետո՝ 2012 թվականին, որոշեցի ծառայության անցնել ոստիկանությունում։ Արդեն շուրջ 9-ը տարի է՝ ծառայում եմ Էրեբունու պահպանության բաժնում։ Պահակետայինի աշխատանքը միայն պահպանություն իրականացնելով և հասարակական կարգն ապահովելով չի սահմանափակվում, նաև մասնակցում ենք հանցագործությունների նախականխման, կանխման և բացահայտման աշխատանքներին։ Օրինակ, տեղեկություն ստացա, որ մի քաղաքացի Տելեգրամի միջոցով թմրանյութի առուվաճառքով է զբաղվում։ Ոստիկանության Էրեբունու բաժնի քրեական հետախույզների հետ համագործակցելով՝ կասկածյալին հայտնաբերեցինք և, թմրանյութով հանդերձ, բերման ենթարկեցինք բաժին»,-պատմեց Ռոման Մուրադյանը։ Իսկ պահպանության լավագույն ծառայողի կոչումը կոլեկտիվ աշխատանքի արդյունք է համարում։
Այսպիսին էր պահպանության լավագույն ծառայողի մասին մեր բացահայտումը՝ մարտական ուղուց մինչև աշխատանքային առօրյա։