ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Մայրաքաղաքի տարբեր վարչական շրջաներում կանանց կողոպտած երիտասարդը բերման է ենթարկվել /ՏԵՍԱՆՅՈՒԹ/

17.08.2018 17:27 Կողոպուտ
Մայրաքաղաքի տարբեր վարչական շրջաներում կանանց կողոպտած երիտասարդը բերման է ենթարկվել /ՏԵՍԱՆՅՈՒԹ/

Օգոստոսի 10-ից 14-ը Մալաթիա-Սեբաստիա, Աջափնյակ և Դավթաշեն վարչական շրջաններում կողոպուտի երեք դեպք էր կատարվել:
Առաջինը օգոստոսի 10-ին, գրանցվել էր ոստիկանության Մալաթիայի բաժնում: Բաբաջանյան փողոցի շենքերից մեկի մոտ, ինչ-որ մեկը թիկունքից մոտեցել էր մի կնոջ, պարանոցից պոկել ոսկյա շղթան`կախազարդով, ու փախել: Շղթան հափշտակել հաջողվել էր, իսկ պոկված կախազարդը տուժողը գտել էր:
Կողոպուտը կատարած անձին և գողոնը հայտնաբերելու ուղղությամբ միջոցառումներ էին ձեռնարկվում, երբ օպերատիվ կառավարման կենտրոնից օգոստոսի 12-ին և 14-ին ոստիկանության Մալաթիայի և Մաշտոցի բաժիններում նոր ահազանգեր ստացվեցին: Սեբաստիա-Տիչինա և Բաշինջաղյան փողոցներում դարձյալ կանանց էին կողոպտել` հափշտակելով նրանց ոսկյա շղթաները: Ըստ տուժողների նկարագրության` կողոպտողը երիտասարրդ էր, նիհարավուն կազմվածքով ու մարզահագուստով:
Իրավապահները տարաբնույթ միջոցառումներ ձեռնարկեցին: Համայնքային ոստիկաններին ցուցում տրվեց զրուցել բնակիչների հետ: Ուսումնասիրվեցին հարակից շենքերի և օբյեկտների մոտ տեղադրված տեսախցիկների տեսագրությունները: Բաբաջանյան փողոցում տեսահսկող սարքերը ֆիքսել էին փախչող երիտասարդին:
Նա էր, ում նկարագրել էին տուժողները: Սակայն կասկածյալի միայն արտաքինը պարզելը բացահայտման համար քիչ էր, անհրաժեշտ էր ճշտել անձնական տվյալները, գտնվելու վայրը և, որ ամենակարևորն էր, հայտնաբերել նրան:
Որոնողական աշխատանքները շարունակվեցին:
Օգոստոսի 15-ին ոստիկանության Մաշտոցի բաժնի քրեական հետախույզները, ստացված տեղեկությունները իրացնելով, Բաշինջաղյան փողոցից ոստիկանության Մաշտոցի բաժին բերման ենթարկեցին Աշտարակի բնակիչ Սարգիս Թամրազյանին:
Քրեական հետախույզները չէին սխալվել. կողպուտի երեք դեպքն էլ Թամրազյանի ձեռքի գործն էր:
Հանգամանքները պարզվում են:
Ձեռնարկվում են միջոցառումները գողոնը հայտնաբերելու ուղղությամբ:
Հարուցված քրեական գործի նախաքննությունը շարունակվում է:

 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: