ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Ոստիկանները բացահայտել են մարզամշակութային կենտրոնի տնօրենի ապօրինությունները /ՏԵՍԱՆՅՈՒԹ/

Ոստիկանության կազմակերպված հանցավորության դեմ պայքարի գլխավոր վարչության կոռուպցիայի և տնտեսական գործունեության դեմ ուղղված հանցագործությունների հակազդման վարչության ծառայողների օպերատիվ-հետախուզական միջոցառումների շնորհիվ բացահայտվել է մի մարզամշակութային կենտրոն ՀՈԱԿ-ի տնօրենի ապօրինությունները:
Ըստ նախնական տվյալների, կենտրոնի տնօրենն օժտված լինելով կարգադրիչ լիազորություններով և հանդիսանալով պաշտոնատար անձ՝ հափշտակություն կատարելու դիտավորությամբ օգտագործել է իր պաշտոնեական դիրքը և կնոջը 2016-ից 2019 թվականներին հրամանագրել է տնտեսվարի, պարուսույցի, հետո նաև գեղարվեստական մարզիչի հաստիքներում, սակայն կինը աշխատանքի չի ներկայացել: Աշխատանքային պարտականությունները չկատարելու պայմաններում կենտրոնի տնօրենը շահադիտական նպատակներով, իր կնիքով, հաստատել է իրավունք վերապահող պաշտոնական փաստաթուղթ հանդիսացող կնոջ հաճախելիության մասին կեղծ տեղեկություններով լրացված աշխատաժամանակի հաշվարկի տեղեկագրերը, որոնց հիման վրա էլ յուրացման եղանակով հափշտակվել է կնոջ անվամբ որպես աշխատավարձ դուրս գրված ընդհանուր 2.339.000 դրամ գումար:
Բացի այդ, մարզամշակութային կենտրոնի տնօրենը, շահադիտական և անձնական շահագրգռվածությունից ելնելով, իր պաշտոնեական դիրքը ծառայության շահերին հակառակ օգտագործելով, շահույթ հետապնդելու նպատակով, անվճար ծառայություններ մատուցելու փոխարեն՝ կենտրոնի մի շարք մարզիչների միջոցով սաներից և նրանց ծնողներից որպես ամսական վարձավճարներ ապօրինի գանձելով 5000-10.000-ական դրամ գումարներ՝ 2012-2019 թվականներին կազմակերպել և իրականացրել է, նյութերով այս պահին պարզված, ընդհանուր՝ 5.089.000 դրամի ապօրինի դրամահավաք: Արդյունքում պետության ու քաղաքացիների օրինական շահերին պատճառվել է էական վնաս:
Քննությանն այս պահին հայտնի տվյալներով՝ կենտրոնի տնօրենը, անցնելով իր լիազորությունները, շահույթ հետապնդելու նպատակով կենտրոնի պահակների միջոցով կազմակերպությանը պատկանող ավտոկայանատեղիում կազմակերպել է կանոնադրությամբ չնախատեսված ձեռնարկատիրական գործունեություն: Հարակից շենքերի բնակիչների մեքենաները նշված տարածքում կայանելու դիմաց նրանցից 300-ական դրամ գումար գանձելով՝ 2017-2019 թվականներին կազմակերպել և իրականացրել է, նյութերով այս պահին պարզված, 4.626.000 դրամի ապօրինի դրամահավաք:
Փաստերի առթիվ հարուցվել է քրեական գործ:
Կատարվում է քննություն:

 

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: