ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

ՀՀ ոստիկանությունն ամփոփում է «Կանեփ-կակաչ-2019» համալիր կանխարգելիչ միջոցառումը (ՏԵՍԱՆՅՈՒԹ)

«Կանեփ-կակաչ-2019» համալիր օպերատիվ-կանխարգելիչ միջոցառումն ավարտվեց օգոստոսի 30-ին: Միջոցառումն անցկացվում է ամեն տարի օգոստոս-սեպտեմբեր ամիսներին: Շուրջ մեկ ամիս տևած միջոցառումը համակարգում էր ոստիկանության կազմակերպված հանցավորության դեմ պայքարի գլխավոր վարչության թմրամիջոցների անօրինական շրջանառության դեմ պայքարի վարչությունը:
Միջոցառման նպատակն է ՀՀ տարածքում շրջանառությունն արգելված թմրամիջոցներ պարունակող, ինչպես նաև վայրի աճած բույսերի հայտնաբերումն ու այրման միջոցով ոչնչացումը, թմրամիջոցների անօրինական շրջանառության դեպքերի կանխումը, հայտնաբերումը և բացահայտումը:
Օգոստոսի 5-ից 30-ը ոստիկանության գրեթե բոլոր ստորաբաժանումները մասնակցել են կանխարգելիչ միջոցառմանը։ Այս ընթացքում հայտնաբերվել և այրման միջոցով ոչնչացվել է շուրջ 56 տոննա կանեփի և 42 կիլոգրամ կակաչի վայրի աճած զանգված:
Բացի այս, իրավապահների հատուկ միջոցառումների շնորհիվ հայտնաբերվել են նաև կանեփի մշակված բույսեր։ Միջոցառման շրջանակներում իրականացված զննությունների և խուզարկությունների արդյունքում տնամերձ հողամասերից հայտնաբերվել է 30 հազարից ավելի կանեփի բույս։
Ապօրինի թմրաշրջանառության դեմ ուղղված անզիջում պայքարի ընթացքում առգրավվել են տարբեր քանակի մարիխուանա, ափիոն, դեզոմորֆին, մեթամֆիտամին, կանեփ, հաշիշ, սուբուտեքս և տարբեր տեսակի հոգեմետ դեղահաբեր։
Միջոցառման ընթացքում թմրամիջոցների հայտնաբերմանը զուգահեռ, բացատրական աշխատանքի շնորհիվ ոստիկանություն է հանձնվել տարբեր տեսակի զենք և զինամթերք:
Կամավոր հանձնվել է 3 ինքնաձիգ, 24 նռնակ, 5 պահունակ, 17 ատրճանակ, 14 հրացան, 21 պայթուցիչ, 3 արկ, 6 պայթաղյուս, 2 նռնակ, 2 հրազեն, 4 ամունալ և տարբեր տրամաչափի 2872 փամփուշտ։
Միջոցառման ընթացքում ձեռնարկված օպերատիվ-հետախուզական միջոցառումների արդյունքում հայտնաբերվել է ՀՀ և այլ երկրների քրեական օրենսգրքերի տարբեր հովածների հատկանիշներով հետախուզվող 77 անձ։
«Կանեփ-կակաչ-2019» համալիր օպերատիվ-կանխարգելիչ միջոցառման ընթացքում արձանգրվել է երկու հարյուրից ավելի դեպք, 33-ի կապակցությամբ հարուցվել են քրեական գործեր։
Համալիր օպերատիվ-կանխարգելիչ միջոցառումը անցկացվում է բույսերի աճման և զարգացման շրջանում։ Թեև ավարտվեց «Կանեփ-կակաչ-2019» միջոցառումը, սակայն ոստիկանությունը չի պատրաստվում թուլացնել ապօրինի թմրաշրջանառության դեմ պայքարի տեմպերը։ Հանցագործությունների կանխման, նախականխման և բացահայտման ուղղությամբ աշխատանքները շարունակվում են։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: