Զոհված ոստիկանների ոգեկոչման ու հիշատակի միջոցառումներ Տավուշի մարզում

Տավուշի մարզի Գանձաքար գյուղի մշակույթի տանը տեղի ունեցավ ոգեկոչման ու հիշատակի միջոցառում՝ նվիրված 44-օրյա պատերազմում զոհված ոստիկան Վազգեն Գրիգորյանի ծննդյան 45-ամյակին։
Միջոցառմանը ներկա էին ոստիկանության մայոր Վազգեն Գրիգորյանի ընտանիքի անդամները, Տավուշի թեմի առաջնորդ Տեր Բագրատ եպիսկոպոս Գալստանյանը, ոստիկանության Տավուշի մարզային վարչության ղեկավարությունը, ծառայակից ընկերներ, համագյուղացիներ։ Ներկայացվեց ոստիկանության Տավուշի մարզային վարչության ավագ փորձագետ Վազգեն Գրիգորյանի կենսագրությունն ու ծառայողական ուղին։
Վազգեն Գրիգորյանը պատերազմի առաջին օրվանից զինվորագրվեց ու մեկնեց Արցախ։ Նա զոհվեց հոկտեմբերի 4-ին՝ Շուշիում։
Իսկ Տավուշի մարզի Այգեհովիտ գյուղում բացվեց զոհված ոստիկան Սուրեն Խաչատրյանի հիշատակը հավերժացնող հուշարձան։ Ոստիկանության Իջևանի բաժնի պարեկապահակետային ծառայության ոստիկան Սուրեն Խաչատրյանը զոհվեց հոկտեմբերի 4-ին՝ Շուշիում։
Փա՜ռք հանուն հայրենիքի զոհված մեր բոլոր ոստիկաններին։