ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Ոստիկանները հայտնաբերել են Աբովյանում «Տոյոտա» մակնիշի մեքենան հրկիզողին (ՏԵՍԱՆՅՈՒԹ)

Աբովյան քաղաքի Երևանյան փողոցի տներից մեկի բակում նոյեմբերի 17-ի գիշերը մեքենա էր այրվում: Օպերատիվ կառավարման կենտրոնից ահազանգը ստանալով` ոստիկանության Կոտայքի բաժնի ծառայողները նշված հասցե մեկնեցին: Տանտերերի հետ հրշեջ ջոկատին հաջողվել էր մարել կրակը: Այրվածքներ ստացած քաղաքացիներ չկային: Դեպքի վայրի զննությունը ցույց էր տալիս, որ բռնկման պատճառը մեքենայի անսարքությունը չէր. ինչ-որ մեկը դիտավորությամբ այրել էր վթարի ենթարկված «Տոյոտան», որը նորոգելու նպատակով տերն արհեստավորի տան մոտ էր թողել: Տնից հեռու չէր նաև մեքենաների նորոգման կետը:
Իրավապահները գիտեին, որ զգալի չափերի գույքային վնաս պատճառելու շարժառիթները կարող են բազմազան լինել` խուլիգանական դրդումներ, վրիժառություն, խանդ, նախանձ: Հարկավոր էր պարզել` հրկիզողի միջանձնային հարաբերություններն ում հետ կարող էին լարված լինել` մեքենայի տիրոջ, թե՞ արհեստավորի:
Հետաքննություն իրականացնող մարմինը բացահայտման ուղղությամբ լայնածավալ միջոցառումներ ձեռնարկեց: Առաջ քաշվեցին և ստուգվեցին տարբեր վարկածներ: Ուսումնասիրվեցին հարակից տների և օբյեկտների մոտ տեղադրված տեսախցիկների տեսագրությունները: Տեսահսկող սարքերը ֆիքսել էին մեքենայի հրկիզումը: Բայց կասկածվողի արտաքին տվյալների վերաբերյալ հնարավոր չէր հստակ պատկերացում կազմել:
Միջոցառումները շարունակվեցին, աշխատանքներին միացան նաև ոստիկանության Կոտայքի մարզային վարչության ծառայողները: Եվ համատեղ աշխատանքն օրեր անց դրական արդյունք տվեց: Դեպքի վայրում ձեռք բերված տվյալների և ստացված տեղեկությունների համադրությամբ իրավապահները պարզեցին, որ «Տոյոտա» մակնիշի մեքենան հնարավոր էր հրկիզած լինել Աբովյան քաղաքի Եղբայրության փողոցի 45-ամյա մի բնակիչ: Նոյեմբերի 25-ին կասկածվողը բերման ենթարկվեց ոստիկանության Կոտայքի բաժին:
Բերման ենթարկված տղամարդը արհետավորի հարևանն էր, որը զբաղվում է ավտոպահեստամասերի առուվաճառքով և, ըստ նախանական տվյալների, գործնական հարցերի շուրջ ունեցած տարաձայնության արդյունքում էր գնացել այդ քայլին:
Հանգամանքերը պարզվում են:
Հարուցված քրեական գործի նախաքննությունը շարունակվում է:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: