Հայտնաբերվել են հետախուզվող անձինք
Մարտի 13-ին, ժամը 13.30-ին, ոստիկանության անձնագրային և վիզաների վարչության և Դավիթաշենի բաժանմունքի ծառայողների ձեռնարկած միջոցառումների շնորհիվ բերման է ենթարկվել Թուրքմենստանի քաղաքացի, 43-ամյա Վալերի Ս․-ն, որը 2002թ. օգոստոսի 1-ից միջազգային հետախուզման մեջ էր Թուրքմենստանի քրեական օրենսգրքի 292-րդ հոդվածի 1-ին մասի (Թմրանյութ պահելը) մեղադրանքով։
Խափանման միջոցը՝ կալանք:
Հետախուզվողի հայտնաբերման վերաբերյալ տեղեկացվել է հետախուզումը նախաձեռնող մարմնին:
***
Ոստիկանության Էրեբունու բաժնի ծառայողների ձեռնարկած օպերատիվ-հետախուզական միջոցառումների շնորհիվ, մարտի 13-ին, ժամը 14.00-ին, Նոր Արեշի 15-րդ փողոցում հայտնաբերվել և բերման է ենթարկվել Իրանի քաղաքացի, 53-ամյա Աբոլֆազլ Շ․-ն, որը մարտի 13-ից Էրեբունու բաժնի կողմից հետախուզվում էր ՀՀ քրեական օրենսգրքի 268-րդ հոդվածի 1-ին մասի (Թմրամիջոցների կամ հոգեմետ (հոգեներգործուն) նյութերի ապօրինի շրջանառությունն առանց իրացնելու նպատակի) մեղադրանքով:
Խափանման միջոցը՝ կալանք:
***
Մարտի 13-ին, ժամը 05.25-ին, ոստիկանության «Զվարթնոց» օդանավակայանի գծային բաժնի ծառայողների ձեռնարկած օպերատիվ-հետախուզական միջոցառումների շնորհիվ Վիեննա-Երևան չվերթի ինքնաթիռի ժամանումից հետո բաժին բերման է ենթարկվել 31-ամյա Կարեն Հ․-ն, որը հունվարի 8-ից Կենտրոնական բաժնի կողմից հետախուզվում է ՀՀ քրեական օրենսգրքի 118-րդ հոդվածի (Ծեծը) մեղադրանքով:
Խափանման միջոցը՝ ստորագրություն:
Հետախուզվողի հայտնաբերման մասին հայտնվել է հետախուզումը նախաձեռնողին:
***
Ոստիկանության Աշտարակի բաժնի ծառայողների ձեռնարկած միջոցառումների շնորհիվ մարտի 13-ին, ժամը 08.10-ին, Երևան-Սևան ճանապարհի Չարենցավան քաղաքի խաչմերուկում հայտնաբերվել և բաժին բերման է ենթարկվել 40-ամյա Գրիգոր Ջ․-ն, որը մարտի 2-ից հետախուզվում էր ՀՀ քրեական օրենսգրքի 178-րդ հոդվածի 1-ին մասի (Խարդախությունը) մեղադրանքով:
Խափանման միջոցը՝ ստորագրություն:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
