Համայնքային ոստիկաններն ու պարեկները հայտնաբերել են գողության փորձ կատարած 47-ամյա տղամարդուն
Նոյեմբերի 13-ի գիշերը «ՀայՓոստի» Լենինգրադյան փողոցի բաժանմունքից գողության փորձի վերաբերյալ ՆԳՆ ոստիկանության օպերատիվ կառավարման կենտրոն ահազանգեր են ստացվել: Նշված հասցե Համայնքային ոստիկանության Մաշտոցի բաժնից մեկնած օպերատիվ խումբը պարզել է, որ ապակին կոտրելու եղանակով ապօրինի մուտք են գործել փոստային բաժանմունք, սակայն ձայնային ազդանշանը միանալու պատճառով հանցագործությունն ավարտին չհասցնելով՝ հեռացել են։
Մաշտոցի բաժնի համայնքային ոստիկաններն ու Երևանի գնդի 4-րդ գումարտակի 1-ին վաշտի պարեկները համատեղ ձեռնարկած օպերատիվ-հետախուզական միջոցառումների արդյունքում հայտնաբերել, գողության փորձ կատարելու կասկածանքով ձերբակալել և Մաշտոցի բաժին են տեղափոխել Երևանի բնակիչ 47-ամյա մի տղամարդու:
Կազմված փաստաթղթերը փոխանցվել են քննչական բաժին։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
