ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Գավառի ոստիկանները բնակարանային գողությունների և փորձի դեպքեր են բացահայտել (ՏԵՍԱՆՅՈՒԹ)

11.02.2020 12:31 Գողություն

Նախորդ տարվա նոյեմբեր և այս տարվա հունվար ամիսներին Գավառի Դեմիրճյան փողոցի մի տնից երկու անգամ գողություն էին արել: Օգտվելով տանտերերի բացակայությունից` պատուհանով մտել էին ներս, հափշտակել ոսկեղեն, կենցաղային իրեր, 40 շիշ կոնյակ և այլ թանկարժեք խմիչքներ` պատճառելով 1 միլիոն դրամից ավելի նյութական վնաս:
Բնակարանային գողության վերաբերյալ հաղորդումը ստանալուն պես ոստիկանության Գավառի բաժնի ծառայողները դեպքի վայրում համապատասխան ուսումնասիրություններ արեցին: Պարզեցին` որտեղից ինչ են գողացել: Տուժողը ոչ ոքի չէր կասկածում:
Հետաքննություն իրականացնող մարմինը ձեռնարկեց օրենքով նախատեսված բոլոր միջոցառումները, և ջանքերն ապարդյուն չանցան: Հաղորդումից օրեր անց բաժնի քրեական հետախույզները, փոխգործակցելով Գեղարքունիքի մարզային վարչության և քննչական մարմինների հետ, տեղեկություններ ստացան, որ բնակարանային գողությունը հնարավոր է կատարած լինի Գավառի Ազատության 2-րդ փողոցի 31-ամյա մի բնակիչ:
Փետրվարի 6-ին գողության փաստով հարուցված քրեական գործի շրջանակներում խուզարկություն կատարվեց կասկածյալի բնակարանում և օժանդակ շինություններում: Ոստիկանները հյուրասենյակից հայտնաբերեցին կաթուցիչ` սև նստվածքի հետքերով և կանեփանման չորացված, մանրացված զանգված, որոնք, ըստ կասկածյալի, իր օգտագործման համար էին: Ավելի ուշ պարզվեց, որ 31-ամյա տղամարդը գողոնը վաճառել է Երևանում: Նույն օրը նա, իրավապահների բացատրական աշխատանքի շնորհիվ, ներկայացավ ոստիկանության Գավառի բաժին և տվեց խոստովանական բացատրություն:
Հետագա միջոցառումներով պարզվել է, որ կասկածվողը, նշվածից զատ, 2019 թվականի հոկտեմբերին Սայադյան փողոցի մի տնից մոտ 130.000 դրամի ոգելից խմիչք էր գողացել: Մի ուրիշ օր պատուհանով մտել էր Ազատության 2-րդ նրբանցքի տներից մեկը, բայց հարմար բան չգտնելով` հեռացել էր:
Քննչական փորձարարության ժամանակ տղամարդը մանրամասնել է, թե որ տուն ինչպես է մտել, որտեղից ինչ գողացել:
Տուժողներից ընդունվել է հաղորդում:
Դեմիրճյան փողոցի տնից հափշտակված գողոնը մասամբ հայտնաբերվել է:
Հանգամանքները պարզվում են:
Հարուցված քրեական գործի նախաքննությունը շարունակվում է:

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: