Ամփոփվել են ՆԳՆ ոստիկանության ծառայողների տարեկան բուժզննությունների արդյունքները
Հիվանդությունների վաղ հայտնաբերման, կանխարգելման և բուժման արդյունավետության բարձրացման նպատակով ՆԳՆ ոստիկանության բժշկական վարչությունն ամեն տարի անցկացնում է ՆԳՆ ոստիկանության ծառայողների բուժզննություն:
Նոյեմբերի 20-ին ՆԳՆ ոստիկանության բուժվարչությունում տեղի է ունեցել կանխարգելիչ բուժզննության տարեկան արդյունքների ամփոփում։
Բուժվարչության պետ Սուսաննա Մուրադյանը, շնորհակալություն հայտնելով կատարված աշխատանքի համար, նշել է, որ Երևանի և մարզերի շուրջ 8000 ծառայող բուժզննում է անցել պոլիկլինիկայի տարբեր մասնագետների մոտ:
Բժիշկները, ըստ ախտորոշումների, ներկայացրել են հիվանդությունների աճման ու նվազման դինամիկան, կարևորվել է ռիսկային խմբերի բուժառուների առողջական վիճակի ամբողջական տեղեկատվությունը։
Սուսաննա Մուրադյանը նշել է, որ բուժանձնակազմն իր առջև դրված խնդիրը կատարել է պատասխանատվությամբ։
Ամփոփման ավարտին պատվոգրեր ու շնորհակալագրեր են հանձնվել բուժվարչության մի շարք աշխատակիցների։
