ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Նոյեմբերի 9-ին ապօրինի ծառահատումներ են բացահայտել Տավուշում, Լոռիում և Սյունիքում /ՏԵՍԱՆՅՈՒԹ/

Ոստիկանության տարածքային ստորաբաժանումները շարունակում են հետևողական պայքարը ապօրինի ծառահատումները կանխելու և բացահայտելու ուղղությամբ՝ իրականացնելով ուժեղացված ծառայություններ։
Նոյեմբերի 9-ին ոստիկանության Տավուշի բաժնի ծառայողները, հերթական ուժեղացված ծառայության ընթացքում, ապօրինի ծառահատման երկու դեպք են բացահայտել։ Նրանք ստուգման նպատակով կանգնեցրել են Իջևանի բնակիչ, 42-ամյա մի տղամարդու վարած «Զիլ»-ը, որը բարձված էր մոտ 5 խորանարդ մետր փայտնայութով։
Նույն օրը Տավուշի բաժնի ոստիկանները Բերդ-Այգեպար ճանապարհին նկատել են փայտանյութով բարձված տրակտոր։ Մոտ 4 խորանարդ մետր փայտնայութով բարձված տրակտորը տեղափոխվել է բաժնի պահպանվող հատուկ տարածք, քանի որ վարորդը բեռի օրինականույթունը հավաստող որևէ փաստաթուղթ չի ներկայացրել։
Իջևանի բաժնի ծառայողներն էլ սպասարկման տարածքում կատարած շրջայցի ընթացքում հայտնաբերել են մոտ 16 խորանարդ մետր փայտանյութ։ Իջևանի բնակիչ, 34-ամյա մի տղամարդ հայտնել է, որ փայտանյութը պատկանում է իրեն, այն ձեռք է բերել իջևանի անտառպետությունից, սակայն համապատասխան փաստաթղթեր չի ներկայացրել։
Ոստիկանության Սպիտակի բաժնի ծառայողներն էլ ճանապարհային ոստիկանների հետ իրականացրած ուժեղացված ծառայության ընթացքում Սպիտակ-Վանաձոր ճանապարհի սկզբնամասում ստուգման նպատակով կանգնեցրել են Շիրակի մարզի բնակիչ, 30-ամյա մի տղամարդու վարած «Ֆորդ»-ը։ Վարորդը մոտ 3․5 խորանարդ մետր փայտանյութի օրինականությունը հավաստող որևէ փաստաթուղթ չի ներկայացրել։ Մեքենան տեղափոխվել է բաժնի պահպանվող հատուկ տարածք։ Պարզվել է, որ ծառերը ապօրինի հատվել են Փամբակ գյուղի հարակից անտառից։
Ոստիկանության Կապանի բաժնի ծառայողներն էլ բնապահպանության և ընդերքի տեսչության Սյունիքի մասնաճյուղի աշխատակիցների հետ իրականացրած ուժեղացված ծառայության ընթացքում Կապանի ներքին Հանդ բնակավայր տանող ճանապարհին ստուգման են ենթարկել Կպանի բնակիչ, 50-ամյա մի տղամարդու վարած խոշոր բեռնատար «Կամազը», որը բարձված է եղել մոտ 20 խորանարդ մետր փայտանյութով։ Վարորդը բեռի օրինականությունը հավաստող որևէ փաստաթուղթ չի ներկայացրել, ուստի տրանսպորտային միջոցը տեղափոխվել է բաժնի պահպանվող հատուկ տարածք։
Նշանակվել են մասնագիտական ստուգումներ։
Դեպքերի առթիվ նախապատրաստվում են նյութեր։

`


Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: