Ապարանի քրեական հետախույզները ապօրինի թմրաշրջանառության դեպք են բացահայտել

Օրերս ոստիկանության Ապարանի բաժնի ծառայողները ապօրինի թմրաշրջանառության վերաբերյալ օպերատիվ տվյալներ ստացան, որոնց իրացման միջոցառումներին մասնակցեցին ոստիկանության այլ ստորաբաժանումների, այդ թվում՝ թմրամիջոցների անօրինական շրջանառության դեմ պայքարի վարչության ծառայողները։ Արդյունքում` կասկածվողները Գեղարքունիքի մարզում հայտնաբերվեցին ու, «Մերսեդես» մակնիշի մեքենայով հանդերձ, բերման ենթարկվեցին ոստիկանության Գավառի բաժին։ Մեքենայի զննությամբ հայտնաբերվեց տասից ավելի դեղահաբ։ Վարորդի հայտնածով՝ դրանք մեթադոն են։ Հոգեներգործուն դեղահաբերն ուղարկվել են փորձաքննության։ Հանգամանքները պարզվում են։