Դավիթաշենի համայնքային ոստիկանների բացահայտեցին կիսակառույց շինությունից կատարված գողությունը․ վնասի չափը 1․5 միլիոն դրամ էր
Գողության վերաբերյալ առաջին հաղորդումը Համայնքային ոստիկանության Դավիթաշենի բաժնում ստացվեց հունվարի 10-ին։ Հայտնեցին, որ վերջին օրերի ընթացքում Դավիթաշենի 2-րդ թաղամասում գտնվող կիսակառույց շինության տարածքից գողացել են շինարարական 150 հենասյուն:
Նախաձեռնվեց քրեական վարույթ, ու մինչ իրավապահները ձեռնարկում էին միջոցներ՝ հունվարի 16-ին ստացվեց նոր հաղորդում․ գիշերը նույն կիսակառույցի տարածքում վնասել էին տեսահսկող սարքի լարը և գողացել շինարարական ապրանքներ։
Օպերատիվ-հետախուզական միջոցառումները համայնքային ոստիկաններին հասցրին Զովունի գյուղ։ Հունվարի 19-ի երեկոյան հիշյալ գողությունները կատարելու կասկածանքով ձերբակալվեց Զովունու բնակիչ 25-ամյա երիտասարդ։ Բաժնում նա խոստովանեց արարքը, նաև հավելեց, որ գողացված ապրանքն արդեն իրացրել է։
25-ամյա երիտասարդի խուզարկությամբ հայտնաբերվեց կաթուցիչ, որում, ըստ նրա, մարիխուանա էր՝ անձնանական օգտագործման համար։
Հետագա միջոցառումներով պարզվեց, որ նա հենասյուների գողության մի փորձ էլ կատարել է հունվարի 18-ին ինչը կանխվել է սեփականատիրոջ կողմից։
Դավիթաշենի համայնքային ոստիկաններին նաև հաջողվեց մայրաքաղաքի Շենգավիթ վարչական շրջանի տարածքում հայտնաբերել գողոնը։
Վնասի չափը կազմում է մեկ միլիոն հինգ հարյուր հազար դրամ։
Երիտասարդը տեղափոխվել է ձերբակալվածների պահման վայր։ Հանգամանքները նախաքննությամբ պարզվում են։
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
