Օպերատիվ իրավիճակը հանրապետությունում դեկտեմբերի 25-ից 26-ը

Բացահայտվել է 105 հանցագործություն, որոնցից 4-ը՝ նախկինում կատարված:

Մասնավորապես՝
32 դեպք` տրանսպորտային միջոց վարելու իրավունքից զրկված կամ այդ իրավունքը կասեցված կամ այդ իրավունքը չունեցող անձի կողմից տրանսպորտային միջոց վարելու,
13 դեպք՝ խարդախության,
9 դեպք՝ մարմնական վնասվածք պատճառելու,
7-ական դեպք՝ ֆիզիկական ներգործության, թմրանյութի հայտնաբերման,
4 դեպք՝ փաստաթղթեր կեղծելու,
3-ական դեպք՝ անձնական ունեցվածքի գողության, ինքնիրավչության,
2-ական դեպք՝ գույքը ոչնչացնելու կամ վնասելու, խուլիգանության, զենք-զինամթերքի առգրավման, թմրամիջոցի մաքսանենգության։

Բացահայտվել է կողոպուտի, բնակարանային գողության, թմրանյութի իրացման, ծառերը, թփերը ապօրինի հատելու, ջրային կենդանիներ ապօրինի որսալու, երեխայի կյանքի անվտանգության ապահովման կամ առողջության պահպանման պարտականությունը չկատարելու կամ ոչ պատշաճ կատարելու, բռնություն գործադրելու հրապարակային կոչերի, անվտանգության պահանջներին չհամապատասխանող հումքերի կամ ապրանքների շրջանառության, աշխատանքների կատարման կամ ծառայությունների մատուցման, սառը զենք կրելու, ֆիզիկական ուժեղ ցավ կամ հոգեկան ուժեղ տառապանք պատճառելու և այլ դեպքեր։

Նախկինում կատարված հանցագործություններից բացահայտվել է՝

3 դեպք՝ շորթման,
1 դեպք՝ մարմնական վնասվածք պատճառելու։

Հայտնաբերվել է 7 հետախուզվող։
Գրանցվել է զենք-զինամթերք կամավոր հանձնելու 16 դեպք։

ՃՏՊ վիճակագրություն
Անցած 1 օրում գրանցվել է 7 ավտովթար․ 1 մարդ զոհվել է, 9 մարդ ստացել՝ տարբեր աստիճանի մարմնական վնասվածքներ։