ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

ՊԱՐԶԱԲԱՆՈՒՄ (galatv.am կայքում հրապարակված «Ընտրողների թիվն ու ցուցակների անճշտությունները. Լավագույն ավանդույթ» հոդվածում Ռուբեն Սարգսյանի հայտարարության վերաբերյալ)

30.10.2015 18:55 Հանրաքվե
ՊԱՐԶԱԲԱՆՈՒՄ (galatv.am կայքում հրապարակված «Ընտրողների թիվն ու ցուցակների անճշտությունները. Լավագույն ավանդույթ» հոդվածում Ռուբեն Սարգսյանի հայտարարության վերաբերյալ)

www.galatv.am կայքում հրապարակված «Ընտրողների թիվն ու ցուցակների անճշտությունները. Լավագույն ավանդույթ» հոդվածում Ռուբեն Սարգսյանի կողմից արվել է հայտարարություն, համաձայն որի՝ 1300 անձանց շրջանում կատարվել է հարցում: 339-ի դեպքում տվյալ բնակարանում գրանցված մարդիկ չեն ճանաչում տվյալ հասցեում գրանցված մարդկանց, ովքեր հայտնվել են ցուցակում: 28 տոկոսը նշել է, որ ընտրողը փոխել է գրանցման հասցեն, 23 տոկոսն ասել է՝ չեն ճանաչում, 3.8 տոկոսն ասել է, որ մահացել է ընտրողը, 5.9 տոկոսը՝ որ փոխել է իր քաղաքացիությունը ու չի համարվում ՀՀ քաղաքացի:

Տարատեսակ մենակաբանությունները բացառելու նպատակով ոստիկանությունը կետ առ կետ պարզաբանում է:

1) 28 տոկոսը նշել է, որ ընտրողը փոխել է գրանցման հասցեն:
ՀՀ կառավարության 2005 թվականի հուլիսի 14-ի «Բնակչության պետական ռեգիստրի համակարգ ներդնելու մասին» թիվ 1231-Ն որոշման համաձայն՝ ռեգիստրում անձի մշտական բնակության հասցեն փոխվում է բնակչի կողմից բնակության վայրը փոխելիս: Ընդ որում, նոր հասցեում հաշվառվելիս ռեգիստրում անձն ավտոմատ հանվում է նախկին հաշվառման հասցեից: Հիշյալ ընթացակարգով երաշխավորվում է ՀՀ ընտրական օրենսգրքի 8-րդ հոդվածի պահանջի կատարումը, համաձայն որի յուրաքանչյուր ընտրության դեպքում ընտրողը կարող է ընդգրկվել ընտրողների միայն մեկ ցուցակում և միայն մեկ անգամ:

2) 23 տոկոսն ասել է՝ չեն ճանաչում:
Առանց սեփականատիրոջ համաձայնության նրա բնակելի տարածությունում այլ անձի հաշվառումը հնարավոր է միայն համայնքային ոստիկանության կողմից տվյալ հասցեում անձի փաստացի բնակության հանգամանքը պարզելու հիմքով (ՀՀ կառավարության 2005 թվականի հուլիսի 14-ի թիվ 1231-Ն որոշման 2-րդ հավելվածի 20.1 կետ): Մնացած այլ դեպքերում անձի հաշվառումը հնարավոր է բացառապես սեփականատիրոջ համաձայնությամբ: Ոստիկանությունը բազմիցս պարզաբանել է, որ բնակելի տարածության սեփականության կամ օգտագործման իրավունք չունեցող անձը հաշվառումից կարող է հանվել բնակարանի սեփականատիրոջ դիմումի համաձայն: Ընդ որում, դիմումը պետք է ներկայացվի ոչ թե նախընտրական շտաբներին կամ կազմակերպություններին, այլ լիազոր մարմին` անձնագրային ծառայություն:

3) 3.8 տոկոսն ասել է, որ մահացել է ընտրողը:
Անձը մահվան կապակցությամբ բնակչության պետական ռեգիստրի հաշվառումից հանվում է այն դեպքում, երբ սահմանված կարգով գրանցվել է մահը: Առավել ևս ներկայումս ՔԿԱԳ մարմնի և ՀՀ ոստիկանության միջև գործում է էլեկտրոնային կապ, համաձայն որի մահը գրանցած մարմինը տեղում՝ էլեկտրոնային եղանակով անմիջապես անձին հանում է ռեգիստրի հաշվառումից:
Բացի այդ, ոստիկանությունը ընտրական գործընթացների շրջանակներում տանում է ակտիվ աշխատանքներ այն մահացած անձանց տվյալները հայտնաբերելու, պարզելու և հաստատելու ուղղությամբ, որոնց մահը սահմանված կարգով չի գրանցվել իրավասու մարմնում կամ մահացել է օտարերկյա պետությոնում և մահվան փաստի վերաբերյալ տեղեկատվությունը հասու չի եղել ՀՀ իրավասու մարմիններին:

4) 5.9 տոկոսը՝ որ փոխել է իր քաղաքացիությունը ու չի համարվում ՀՀ քաղաքացի:
«Հայաստանի Հանրապետության քաղաքացիության մասին» ՀՀ օրենքի 1-ին հոդվածի համաձայն՝ Հայաստանի Հանրապետության քաղաքացիությունից հրաժարվելը կամ այլ պետության քաղաքացիություն ընդունելն ինքնին չի հանգեցնում Հայաստանի Հանրապետության քաղաքացիությունը կորցնելուն: Նույն օրենքի 26-րդ հոդվածի համաձայն՝ ՀՀ քաղաքացիությունը դադարեցվում է ՀՀ Նախագահի հրամանագրով:
Հաճախ ՀՀ քաղաքացիները քաղաքացիությունը դադարեցնելու համար դիմում են ոչ թե սահմանված ընթացակարգով /օտարերկրյա պետությունում ՀՀ հյուպատոսական հիմնարկ կամ անձնագրային և վիզաների վարչություն/, այլ օտարերկյա պետությունների իրավասու մարմիններ՝ ներկայացնելով ՀՀ քաղաքացիությունից հրաժարվելու մասին գրավոր հայտարարություն: Արդյունքում, այդ անձանց քաղաքացիությունը չի դադարեցվում, քանի որ, ինչպես արդեն նշվեց, դադարեցման միակ իրավական հիմքը ՀՀ Նախագահի հրամանագիրն է:

Հիշեցնում ենք, որ
Հայաստանի Հանրապետության ընտրական օրենսգրքով սահմանված կարգով և ժամկետում հրապարակվել են ՀՀ Սահմանադրության փոփոխությունների հանրաքվեին մասնակցելու իրավունք ունեցող անձանց ցուցակները:
Ցուցակները փակցված են հանրաքվեի տեղամասերում: Դրանք տեղադրվել են նաև ՀՀ ոստիկանության պաշտոնական www.police.am կայքում՝ ներբեռնելու հնարավորությամբ:
Տոկոսային, չփաստարկված վերլուծություններ անելու փոխարեն կոչ ենք անում ներկայացնել հիմնավոր տեղեկատվություն: ՀՀ ընտրական օրենսգրքով քվեարկության օրվանից 40 օր առաջ ցուցակները հրապարակելու իրավական ընթացակարգ նախատեսելը ինքնանպատակ չէ, այն կոչված է մինչև վերջական ցուցակները հրապարակելը ապահովելու ցուցակներում տեղ գտած անճշտությունների վերացումը: