ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Տեղի ունեցավ ոստիկանության կարգապահական հանձնաժողովի հերթական նիստը (ՏԵՍԱՆՅՈՒԹ)

07.07.2016 16:56 Միջոցառումներ
Տեղի ունեցավ ոստիկանության կարգապահական հանձնաժողովի հերթական նիստը (ՏԵՍԱՆՅՈՒԹ)

 
Հուլիսի 7-ին տեղի ունեցավ ոստիկանության կարգապահական հանձնաժողովի հերթական նիստը, որը վարում էր ոստիկանության պետի առաջին տեղակալ, ոստիկանության գեներալ-լեյտենանտ Հունան Պողոսյանը։
Մասնակցում էին ոստիկանության շտաբի, ներքին անվտանգության, իրավաբանական եւ հասարակական կարգի ապահովման վարչությունների պետերը, ոստիկանության կարգապահական հանձնաժողովի կազմում ընդգրկված հասարակական կազմակերպությունների ներկայացուցիչներ։
Քննարկվեցին ոստիկանության երկու ծառայողների նկատմամբ իրականացված ծառայողական քննության նյութերն ու դրանց վերաբերյալ եզրակացությունները։
Հուլիսի 6-ին «Yerevan.news» կայքում  հոդված էր հրապարակվել, ըստ որի՝ Գրիգոր Լուսավորիչ եկեղեցու դիմաց գտնվող կանգառում ճանապարհային ոստիկանության ծառայողն ապտակել է թիվ 14 երթուղայինի վարորդին։
Ոստիկանության պետի հանձնարարականով՝ ներքին անվտանգության վարչությունում քննություն էր սկսվել, որի արդյունքում պարզվել է, որ միջադեպի մասնակիցը ոչ թե ճանապարհային ոստիկանության, այլ պարեկապահակետային ծառայության գնդի  ծառայող է։ 
Ծառայողական քննության արդյունքներով պարզվել է, որ ոստիկանության Երեւան քաղաքի վարչության պարեկապահակետային ծառայության  գնդի 1-ին վաշտի ոստիկան, ոստիկանության սերժանտ Արտյոմ  Ռուստամյանը հուլիսի 6-ին, ժամը 9.00-ից 17.00-ն, ծառայության է եղել Տիգրան Մեծի պողոտայիª Գրիգոր Լուսավորիչ եկեղեցու դիմացի կանգառում։
Ժամը 12.45-ի սահմաններում,  թյուրըմբռնման հետեւանքով, վիճաբանություն է սկսվել  թիվ 14 երթուղու վարորդ Արթուր Ղ.-ի եւ ՊՊԾ ոստիկան Արտյոմ Ռուստամյանի միջեւ։ Չցուցաբերելով զսպվածություն  եւ դրսեւորելով ոստիկանին ոչ վայել վարքագիծ, օրենքով սահմանված կարգով միջոցառումներ  ձեռնարկելու փոխարեն՝ ՊՊԾ ոստիկան Արտյոմ Ռուստամյանը, ի պատասխան վարորդի կոպիտ արտահայտություններին, ներքաշվել է վիճաբանության մեջ, հրել է վարորդի՝ իրեն ուղղված ձեռքը, որի ընթացքում իր ձեռքը պատահաբար դիպել է վարորդի դեմքին: Տեղեկանալով կատարվածի մասին՝  դասակի հրամանատարը  վարորդին պարզաբանել է միջադեպի մասին  ոստիկանությունում հաղորդում տալու կարգը, սակայն  նա հրաժարվել է հաղորդում տալուց։
Կարգապահական հանձնաժողովը քննության առավ նաեւ ոստիկանության լեյտենանտ Կարապետ Ճտխյանի նկատմամբ ծառայողական քննության արդյունքները. նա  մայիսի 23-ից, առանց հարգելի պատճառի,  ծառայության չի ներկայացել։
Ոստիկանության կարգապահական հանձնաժողովը, որը կոչված է ապահովելու ոստիկանության ծառայողների պրոֆեսիոնալ վերահսկողություն եւ առաջնորդվում է հրապարակային, թափանցիկ գործելաոճով, պարզելով փաստական հանգամանքները՝ որոշում կայացրեց դիմել ոստիկանության պետին՝ ոստիկանության հիշյալ ծառայողների նկատմամբ կիրառելու «Ոստիկանությունից ազատում» կարգապահական տույժը։
Զսպվածություն չցուցաբերելու, քաղաքացու հետ վիճաբանության մեջ ներքաշվելու, իր գործողություններով ու վարքագծով ոստիկանության ծառայողի պատիվն ու արժանապատվությունը արատավորելու համար՝ ոստիկանության պետի հրամանով Արտյոմ Ռուստամյանը հեռացվել է համակարգից։ 
«Ոստիկանությունում ծառայության մասին» ՀՀ օրենքով նախատեսված կարգապահական կոպիտ խախտման համար համակարգից հեռացվել է նաեւ Կարապետ  Ճտխյանը։