ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Պարգևատրման արարողություն ոստիկանությունում (ՏԵՍԱՆՅՈՒԹ, ԼՈՒՍԱՆԿԱՐՆԵՐ)

06.05.2019 14:27 Պաշտոնական

Մայիսի 4-ին ոստիկանության պետ Վալերիյ Օսիպյանի գլխավորությամբ ոստիկանությունում տեղի ունեցավ հանդիսավոր նիստ: Մասնակցում էին ոստիկանության պետի տեղակալները, տարբեր ստորաբաժանումների ղեկավարներ և հանցավորության դեմ պայքարի գործում աչքի ընկած մոտ երեք տասնյակ ոստիկանության ծառայողներ, որոնք ոստիկանության պետի հրամանով պարգևատրման էին ներկայացել:
Ողջունելով ներկաներին` Վալերիյ Օսիպյանը շնորհավորեց պարգևատրմանն արժանացած ոստիկաններին:
«Ինչպես տեսնում եք` մեզանում արդեն ավանդույթ է ձևավորվել և շաբաթվա ընթացքում ծանր և առանձնապես ծանր հանցագործությունների բացահայտմանը գործուն աջակցություն ցուցաբերած ոստիկանության ծառայողներին լրացուցիչ պարգևավճարներ են տրամադրվում, ինչը, կարծում եմ, կպարտավորեցնի էլ ավելի լավ ծառայել»,- ասաց ոստիկանության պետը:
Պարգևատրվում են լավագույնները` սերժանտից մինչև գնդապետ: Ծրարներում թղթեր են, որոնց վրա նշված են ծառայողի բացահայտած հանցագործության տեսակն ու պարգևատրման չափը: Գումարները կփոխանցվեն նրանց հաշվեհամարներին:
Ամփոփիչ խոսքում ոստիկանության պետ Վալերիյ Օսիպյանը նշեց, որ ամիսներ առաջ, երբ քննարկվում էր պարգևատրման այս ձևաչափը, շատերը թերահավատորեն էին վերաբերվում, սակայն, ինչպես տեսնում ենք այսօր, արդեն այն իրողություն է: «Խնդիրն, իհարկե, գումարը չէ, հանցագործությունների նախականխումը, կանխումը և բացահայտումը մեր մասնագիտական պարտքն է, սակայն նման պարգևաճարների արդյունքում ձեր աշխատանքն ավելի նպաստավոր կլինի, կոգևորի ավելի բարեխիղճ ծառայել,-ասաց ոստիկանության պետը` հավելելով,- սա աննախադեպ մոտեցում է: Եվ ոստիկանությունն այսօր պատրաստ է լրացուցիչ պարգևավճարներ հանձնել ծանր, առանձնապես ծանր, ինչպես և հասարակական հնչեղություն ստացած հանցագործություններ բացահայտած ոստիկաններին»:
Վալերիյ Օսիպյանը ընդգծեց նաև, որ լրացուցիչ պարգևավճարների տրամադրումը ոչ միայն շարունակական բնույթ է կրելու, այլև լինելու են դեպքեր, երբ ծառայողը գումարի հետ նաև արժանանալու է այլ պարգևի:
Եվս մեկ անգամ շնորհավորելով պարգևատրվողներին` ոստիկանության պետը շնորհակալություն հայտնեց աշխատանքին բարեխիղճ ու սրտացավ մոտենալու համար` մաղթելով անփորձանք ծառայություն: