Ճանապարհատրանսպորտային պատահարներ Հայաստանում

Մայիսի 11-ին, ժամը 18.50-ին, Երևանի Շիրակի փողոցի 3-րդ փակուղում «Մերսեդես» մակնիշի ավտոմեքենան բախվել է պատին. 20-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մայիսի 12-ին, ժամը 00.15-ին, Երևանի Գարեգին Նժդեհի փողոցում իրար են բախվել «ԲՄՎ» և «Օպել» մակնիշի ավտոմեքենաներ. «Օպելի» 22-ամյա ուղևորը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մայիսի 12-ին, ժամը 14.00-ի սահմաններում, Ապարան քաղաքի Գարեգին Նժդեհի փողոցում «Լեքսուս» մակնիշի ավտոմեքենայի վարորդը վրաերթի է ենթարկել 9-ամյա տղայի, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Մայիսի 12-ին, ժամը 17.50-ի սահմաններում, Արմավիր քաղաքի Թումանյան փողոցում իրար են բախվել «Հունդայի Էլանտրա», «Մերսեդես-Բենց», «ՎԱԶ-2107» և «Լեքսուս GX-470» մակնիշի ավտոմեքենաներ: Բախման հետևանքով «Լեքսուս GX-470»-ն հայտնվել է Երևանյան փողոցի հագուստի խանութում: «ՎԱԶ-2107»-ի 17-ամյա ուղևորը մարմնական վնասվածքներով տեղափոխվել է հիվանդանոց։
Կատարվում է քննություն:

***

Մայիսի 12-ին, ժամը 19.30-ին, հիվանդանոցից հաղորդում է ստացվել, որ մարմնական վնասվածքներով բուժօգնության է տեղափոխվել 6-ամյա աղջիկ, որը հայտնել է, որ վնասվածքները ստացել է վրաերթի ենթարկվելու հետևանքով: Պարզվել է, որ Վանաձորի Բաղրամյան փողոցում «ՎԱԶ-2107» մակնիշի ավտոմեքենայի 35-ամյա վարորդը վրաերթի է ենթարկել նրան և իր մեքենայով տեղափոխել հիվանդանոց:
Կատարվում է քննություն:

***

Մայիսի 12-ին, ժամը 16.00-ի սահմաններում, Տաշիր-Ստեփանավան ճանապարհի 10-րդ կմ-ին «ՎԱԶ-2115» մակնիշի ավտոմեքենան դուրս է եկել երթևեկելի գոտուց և կողաշրջվել. 32-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն: