Ճանապարհատրանսպորտային պատահարներ Հայաստանում

Մայիսի 1-ին, ժամը 23.10-ին, Երևանի Հերունու և Դավիթաշենի 5-րդ փողոցների խաչմերուկում իրար են բախվել «Նիսան» և «Մերսեդես» մակնիշի ավտոմեքենաներ. «Մերսեդեսի» 21-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն:
***
Մայիսի 2-ին, ժամը 00.30-ի սահմաններում, Արարատի մարզի Ռանչպար գյուղի սկզբնամասում «Ինֆինիտի» մակնիշի ավտոմեքենան դուրս է եկել երթևեկելի գոտուց և կողաշրջված վիճակում հայտնվել ավազահանքի տարածքում. 36-ամյա վարորդը և հինգ ուղևորները մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 2-ին, ժամը 14.50-ի սահմաններում, Գյումրի քաղաքի Գարեգին Նժդեհի և Ալեք Մանուկյան փողոցների խաչմերուկում իրար են բախվել «Դոջ», «Մերսեդես» և «ՎԱԶ-21099» մակնիշի ավտոմեքենաներ. «ՎԱԶ-21099»-ի 23-ամյա վարորդը, 30-ամյա ուղևորը և «Դոջի» 33-ամյա ուղևորը մարմնական վնասվածքներով տեղափոխվել են հիվանդանոց:
Կատարվում է քննություն:
***
Մայիսի 2-ին, ժամը 15.15-ի սահմաններում, Գյումրի քաղաքի Աբովյան փողոցում «Հունդաի» մակնիշի ավտոմեքենայի վարորդը վրաերթի է ենթարկել 18-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն: