ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

Ոչ թե պատժել, այլ վեր հանել ճշմարտությունը (Ոստիկանության ներքին անվտանգության վարչության 10-ամյա հոբելյանին նվիրված տեսանյութ)

21.01.2013 13:45 Միջոցառումներ
Ոչ թե պատժել, այլ վեր հանել ճշմարտությունը (Ոստիկանության ներքին անվտանգության վարչության 10-ամյա հոբելյանին նվիրված տեսանյութ)

 

Ոստիկանության գործունեության լավագույն վերահսկողը մեր հասարակությունն է, որն ամենաարժեքավոր գնահատականը տալիս է նաև ԶԼՄ-ների միջոցով: Եվ ժողովրդի գնահատանքին արժանանալու ճանապարհին ոստիկանության ղեկավարությունը կարևորում է ներքին անվտանգության ծառայության աշխատանքը, ասել է, թե` ինքնավերահսկողությունն ու ինքնագնահատական տալը:
Ոստիկանության համակարգում ներքին անվտանգության գործառույթ իրականացնող ստորաբաժանում ստեղծվել է մոտ 90 տարի առաջ: Դրա անհրաժեշտությունը կար ու եղել է բոլոր ժամանակներում, թեև գործել է տարբեր անունների ներքո: Այսօր, սակայն, ստորաբաժանումը նշում է իր 10-ամյա հոբելյանը, քանի որ հենց 2003 թվականի հունվարի 20-ին, ի կատարումն «Ոստիկանության մասին» օրենքի` ոստիկանության պետի հրամանով ստեղծվեց Ներքին անվտանգության վարչությունը: Այսօր, նոր ոստիկանության ու նոր ոստիկանի ձևավորման փուլում շատ ավելի է կարևորվում ոստիկանության կենտրոնական ապարատում գործող ինքնուրույն այս վարչության գոյությունը:
Վարչությունը գործում է ոստիկանության պետի անմիջական ենթակայությամբ, և հենց սրանով է պայմանավորված վարչության անձնակազմի նկատմամբ դրսևորվող խստապահանջությունն ու հոգատարությունը:
Ոստիկանությունում իրականացվող բարեփոխումներին զուգընթաց կառուցվածքային ու կադրային փոփոխություններ են կատարվել նաև ՆԱ վարչությունում: Հիմնավորապես թարմացվել են ծառայության առջև դրված խնդիրները: Գործառույթներն իրականացնելու ճանապարհին վարչությունը դարձել է տեսանելի ու հասանելի բոլորին, սկսել է սերտորեն համագործակցել ոստիկանության բոլոր ստորաբաժանումների, Հայաստանի և այլ երկրների իրավապահ մարմինների հետ: Կարևորվել է նաև հասարակության հետ կապը. ոստիկանության պաշտոնական կայքէջում, ներքին անվտանգության ենթաբաժնում, առանց միջնորդավորման ստացվում են դիմում-բողոքներ, հաճախակի կազմակերպվում են հեռախոսային «Ուղիղ կապեր», հատուկ ուշադրություն է դարձվում մամուլի հրապարակումներին:
Ոստիկանությունում եղած արատավոր երևույթների դեմ պայքարն ինչքան էլ անողոք լինի, և այդպես էլ կա, չպետք է անտեսվեն յուրաքանչյուր ոստիկանի իրավունքներն ու արժանապատվությունը: Սա էլ բարեփոխումների ձեռքբերումներից է:
Վարչությունը դեմքով է շրջվել դեպի ծառայողը: Ոստիկաններին պատժելը չէ ծառայության գերխնդիրը, այլ վեր հանել ճշմարտությունը, թերացողին զգուշացնել, մեղավորին պատժել, դավաճանին հեռացնել, բայցև պաշտպանել հանիրավի տուժած աշխատակցի իրավունքները, վերականգնել անարդարության զոհ դարձած ոստիկանի հեղինակությունը:
Ոստիկանություն-հասարակություն կապի ամրապնդման, ոստիկանության հանդեպ քաղաքացիների վստահությունը ձեռք բերելու գործում իսկապես անգնահատելի է ՆԱ վարչության ավանդը: Գնալով աճում է վարչության աշխատանքային ծանրաբեռնվածությունը, թվերն ինքնին խոսուն են, բայց զուգահեռ աճում է և հասարակության վստահությունը ոստիկանության նկատմամբ, ինչը նաև  հոբելյար-վարչության անհրաժեշտ գոյության արդյունքն է: Վարչությանն ուղղված ոստիկանության պետ, գեներալ-լեյտենանտ Վլադիմիր Գասպարյանի շնորհավորական ուղերձում մասնավորապես ասված է. «Ինքնամաքրման գործընթացը կենսական նշանակություն ունի ոստիկանության համար, և դուք՝ ներքին անվտանգության ծառայողներդ եք այդ գործի կարևորագույն պատասխանատուն, գործ, որը միշտ էլ ջանադրորեն ու պրոֆեսիոնալ եք կատարել, նաև՝ ճշմարտությունը, արդարությունը, ծառայակցի իրավունքներն ու արժանապատվությունը պաշտպանելու հաստատակամությամբ»:  
Ոստիկանության պետի հրամանով ՆԱ վարչության մի շարք աշխատակիցներ ներկայացվել են պարգևատրման: 
Եվ պայմանը նման դեպքերում կրկին նույնն է. պարգևը նախևառաջ պատասխանատվություն է, պատրաստակամության կոչ` վաղն էլ ավելի աշխատելու, էլ ավելի ջերմությամբ ու սեփական անձի նկատմամբ պահանջկոտությամբ ծառայելու ոստիկանության համակարգին, պետությանն ու ժողովրդին: