ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

ՀՀ ոստիկանության Լոռու մարզային վարչության և ենթակա բաժինների կողմից 2017թ. 9 ամիսների ընթացքում իրականացված օպերատիվ-ծառայողական գործունեության արդյունքները

13.10.2017 15:22 Եռամսյակ

2017թ. 9 ամիսների ընթացքում ՀՀ ոստիկանության Լոռու մարզային վարչության կողմից սպասարկվող վարչական տարածքում գրանցվել է հանցագործության 1058 դեպք, որոնցից 984-ը բացահայտվել է: Բացահայտման ցուցանիշը այս տարի կազմել է 93%, նախորդ տարվա նույն ժամանակահատվածում` 90.9%:
Հաշվետու ժամանակահատվածում բացահայտման արդյունքների աճ է արձանագրվել, մասնավորապես, միջին ծանրության և առանձնապես ծանր հանցագործություններով, հրազենի գործադրմամբ կատարված հանցագործություններով բացահայտման ցուցանիշը մարզում կայուն է:
2017թ. 9 ամիսներին զգալի աշխատանքներ են տարվել նախկին տարիներին կատարված և չբացահայտված հանցագործությունների բացահայտման ուղղությամբ: Հաշվետու ժամանակահատվածում վերսկսվել է նախկին տարիներին կասեցված 69 քրեական գործ:
Կոռուպցիոն բնույթի հանցագործությունների հայտնաբերման նպատակով ակտիվ համագործակցություն է իրականացվել Լոռու մարզի դատախազության, ՀՀ քննչական կոմիտեի և ՀՀ ոստիկանության կազմակերպված հանցագործությունների դեմ պայքարի գլխավոր վարչության հետ:
Արձանագրվել է կոռուպցիոն բնույթի 26 հանցագործություն (2016թ. 9 ամիսների ընթացքում` 28):
Կազմակերպվել և իրականացվել են անհրաժեշտ միջոցառումներ «Թրաֆիկինգ»-ի և հարակից հանցատեսակների դեմ պայքարի ուղղությամբ:
2017թ. ընթացքում առանձին հանցագործությունների դեմ պայքարի հիմնական ուղղություններից է եղել հրազենի և թմրամիջոցների ապօրինի շրջանառության դեմ պայքարը: Հաշվետու ժամանակահատվածում հայտնաբերվել է թմրամիջոցների ապօրինի շրջանառության 51 դեպք:
2017թ. 9 ամիսների ընթացքում գրանցվել է հրազենի ապօրինի շրջանառության 65 դեպք: Անցկացված բացատրական աշխատանքների արդյունքում գրանցվել է զենք զինամթերքի կամավոր հանձնելու 66 /2016թ.-ին՝ 59/ դեպք: Կամովին հանձնվել է 6 անվանում 30 միավոր զենք, 5 անվանում զինամթերք, այդ թվում՝ 2 ատրճանակ, 1 ինքնաշեն ատրճանակ, 1 ինքնաձիգ, 22 ողորկափող հրացան, 2 հատ ակոսավոր հրացան, 2 հատ նռնականետ, 13 նռնակ, 18 նռնակի պայթուցիչ, 1 ական, 2117  տարբեր տրամաչափի փամփուշտներ, 8 ինքնաձիգի պահունակ:
Զգալի աշխատանքներ են իրականացվել հետախուզվողների հայտնաբերման ուղղությամբ:
2017թ.-ի 9 ամիսների ընթացքում հետախուզում է հայտարարվել 116 անձի նկատմամբ, հաշվառումից հանվել է 141 հետախուզական գործ: Հաշվետու ժամանակահատվածում հայտնաբերվել է 110 հետախուզվող, որոնցից 63-ը՝ հետախուզվողներ նախկին տարիներից:
Հանցագործների հայտնաբերման ցուցանիշը մարզում կազմել է 9.6 %:
Բացի այդ ՈԼՄՎ ենթակա բաժինների կողմից հաշվետու ժամանակահատվածում հայտնաբերվել է նաև այլ պետության կողմից հետախուզվող 12 /2016թ.-ին՝ 11/ հանցագործ: 2017թ. 9 ամիսների ընթացքում հետախուզում է հայտարարվել 4 անհետ կորած անձի նկատմամբ: Անհետ կորածների հայտնաբերումը մարզում կազմել է 40%, այդ թվում Տարոնի և Բազումի բաժիններում՝ 100%:
Ոստիկանության Լոռու մարզային վարչության ենթակա բաժինների կողմից հաշվետու ժամանակահատվածում անհրաժեշտ միջոցառումներ են իրականացվել նաև բնապահպանական ոլորտի իրավախախտումների կանխարգելման և հայտնաբերման ուղղությամբ: 2017թ. 9 ամիսների ընթացքում ոստիկանության Լոռու մարզային վարչության ենթակա բաժինների կողմից իրականացվել է 802 ստուգայց /2016թ.-ին`586/, արձանագրվել է բնապահպանական ոլորտի իրավախախտումների 144 դեպք:
2017թ. 9 ամիսների ընթացքում հայտնաբերվել է 615.76 խմ փայտանյութ /2016թ.-ին՝ 213խմ/:
Հաշվետու ժամանակահատվածում անհրաժեշտ աշխատանքներ են իրականացվել անձնակազմը որակյալ կադրերով համալրելու, ենթակա ստորաբաժանումներում անհրաժեշտ կազմ-հաստիքային փոփոխություններ կատարելու, կադրերի և անձնակազմի հոսունությունը կանխելու ուղղությամբ: Անհրաժեշտ ուշադրության կենտրոնում է պահվել ծառայողական, մարտական և ֆիզիկական պատրաստականության պարապմունքների անցկացման գործընթացն ու ոստիկանության յուրաքանչյուր ծառայողի կողմից էթիկայի կանոնների պահպանման, քաղաքացիների հետ բարեկիրթ վերաբերմունքի դրսևորման հարցը:
2017թ. 9 ամիսների ընթացքում կարգապահական տույժի են ենթարկվել 19 /2016թ.-ին՝ 7/ ծառայողներ, բացասական շարժառիթներով ոստիկանությունից ծառայողներ չեն ազատվել:
Բարեխիղճ աշխատանքի համար խրախուսվել են 138 ծառայողներ:
Ոստիկանության Լոռու մարզային վարչությունում 2017թ. 9 ամիսներին վարույթում գտնվել են ՈԼՄՎ պետի կողմից նշանակված 31 ծառայողական քննություն /2016 թ.-ին՝ 22/: Անցկացված ծառայողական քննությունների արդյունքներով՝ 8 ծառայողներ ենթարկվել են կարգապահական պատասխանատվության:
Անհրաժեշտ միջոցառումներ են իրականացվել ոստիկանության վետերանների հետ տարվող աշխատանքներում: Վետերանների անմիջական մասնակցությամբ և օժանդակությամբ բացահայտվել է 27 հանցագործություն, հայտնաբերվել է 6 հետախուզվող: