ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

ՀՀ ՓՈԽՈՍՏԻԿԱՆԱՊԵՏԻ ԳԼԽԱՎՈՐԱԾ ՊԱՏՎԻՐԱԿՈՒԹՅԱՆ՝ ԵՎՐՈՊԱԿԱՆ ԵՐԿՐՆԵՐ ԱՅՑԻ ՆՊԱՏԱԿԸ ՀՀ-ԵՄ ՄՈՒՏՔԻ ԱՐՏՈՆԱԳՐԵՐԻ ԱԶԱՏԱԿԱՆԱՑՄԱՆ ՇՈՒՐՋ ԵՐԿԽՈՍՈՒԹՅԱՆ ՄԵԿՆԱՐԿԻ ՀԵՌԱՆԿԱՐՆԵՐԻ ՔՆՆԱՐԿՈՒՄՆ ԷՐ

Հոկտեմբերի 2-ից 4-ը ՀՀ փոխոստիկանապետ Հովհաննես Քոչարյանի գլխավորած պատվիրակությունն այցելեց եվրոպական մի քանի երկրներ՝ քննարկելու ՀՀ-ԵՄ մուտքի արտոնագրերի ազատականացման շուրջ երկխոսության (ՄԱԱԵ) մեկնարկի հեռանկարները։ ՀՀ պատվիրակության կազմում ընդգրկված էին ՏԿԵՆ միգրացիոն ծառայության պետ Արմեն Ղազարյանը, արտաքին գործերի նախարարի խորհրդական Դավիթ Սարգսյանը, ԱԳՆ Եվրոպայի վարչության պետ Տիգրան Սամվելյանը։
Հոկտեմբերի 2-ին պատվիրակությունը հանդիպում ունեցավ Բելգիայում: Հանդիպմանը մասնակցում էր նաև ԵՄ-ում ՀՀ առաքելության ղեկավար, Բելգիայում ՀՀ դեսպան Թաթուլ Մարգարյանը։
Բելգիական կողմից պատվիրակությունը ղեկավարում էր Բելգիայի դաշնային ներքին հանրային ծառայության ներգաղթի գրասենյակի գլխավոր տնօրեն Ֆրեդի Ռուզմոնտը: Հանդիպմանը մասնակցում էին Բելգիայի դաշնային ներքին հանրային ծառայության ներգաղթի գրասենյակի գլխավոր տնօրինության և Բելգիայի արտաքին գործերի նախարարության ներկայացուցիչները: Բելգիացի գործընկերների հետ հանդիպմանը խնդրո առարկայի շուրջ ծավալվեցին արդյունավետ քննարկումներ և մտքերի փոխանակում՝ ուղղված ՄԱԱԵ մեկնարկի խթանմանը։
Օրակարգի հարցերի շուրջ ծավալվեցին խորը և կառուցողական քննարկումներ։ Հայկական կողմը շեշտեց ՄԱԱԵ մեկնարկի համար առանցքային հանդիսացող ՀՀ-ԵՄ Մուտքի արտոնագրերի դյուրացման և Հետընդունման մասին համաձայնագրերի՝ ՀՀ կողմից արդյունավետ կիրարկման փաստը։ Իր հերթին բելգիական կողմը գոհունակություն հայտնեց միգրացիոն ոլորտում երկկողմ համագործակցության բարձր մակարդակի առնչությամբ և ընդգծեց շփումների շարունակականության ապահովման կարևորությունն ինչպես Երկխոսության մեկնարկից առաջ, այնպես էլ դրանից հետո։
Հոկտեմբերի 3-ին ՀՀ փոխոստիկանապետ Հովհաննես Քոչարյանի գլխավորած պատվիրակությունն այցելեց Լյուքսեմբուրգ: Հանդիպմանը մասնակցում էին նաև ՀՀ դեսպանության դիվանագետները։
ՀՀ միջգերատեսչական պատվիրակությունը հանդիպում ունեցավ Լյուքսեմբուրգի Մեծ Դքսության արտաքին գործերի նախարարության պատվիրակության հետ, որը գլխավորում էր հյուպատոսական հարցերով գլխավոր տնօրեն Հենրի Շումախերը։ Հյուրընկալող կողմից հանդիպմանը ներկա էին նաև հյուպատոսական և ներգաղթի տնօրինությունների և անձնագրային ծառայության աշխատակիցներ:
Լյուքսեմբուրգյան գործընկերներն իրենց գոհունակությունն արտահայտեցին միգրացիոն ոլորտում Հայաստանի հետ առկա արդյունավետ համագործակցության կապակցությամբ և իրենց աջակցությունը հայտնեցին ՄԱԱԵ շուտափույթ մեկնարկի առնչությամբ: 
Հոկտեմբերի 4-ին պատվիրակությունն այցելեց Նիդերլանդների Թագավորություն: Հանդիպմանը մասնակցում էր նաև Նիդերլանդներում ՀՀ դեսպան Տիգրան Բալայանը։
Նիդերլանդական կողմից պատվիրակությունը ղեկավարում էր Նիդերլանդների Թագավորության արտաքին գործերի նախարարության Եվրոպայի դեպարտամենտի տնօրեն Էրիկա Սխաութենը: Հանդիպմանը մասնակցում էին Նիդերլանդների Թագավորության ԱԳՆ հյուպատոսական հարցերի և վիզայի քաղաքականության դեպարտամենտի տնօրեն Ժան-Ուիլլեմ Բուժոն, ԱԳՆ Եվրոպական ինտեգրման դեպարտամենտի տնօրեն Էուկե Ֆաբերը, Նիդերլանդների արտգործնախարարության, արդարադատության և անվտանգության նախարարության բարձրաստիճան պաշտոնյաներ և աշխատակիցներ:
Նիդերլանդացի գործընկերների հետ խնդրո առարկա թեմայի շուրջ ծավալվեցին բովանդակալից քննարկումներ և մտքերի փոխանակում՝ ուղղված ՄԱԱԵ մեկնարկի խթանմանը։
Հայկական կողմը շեշտեց ՄԱԱԵ մեկնարկի համար առանցքային հանդիսացող ՀՀ-ԵՄ մուտքի արտոնագրերի դյուրացման և Հետընդունման մասին համաձայնագրերի՝ ՀՀ կողմից օրինակելի արդյունավետությամբ իրականացման փաստը։ Իր հերթին նիդերլանդական կողմը գոհունակություն հայտնեց միգրացիոն ոլորտում երկկողմ համագործակցության բարձր մակարդակի առնչությամբ և ընդգծեց, որ հետընդունման հարցում Հայաստանի հետ առկա է արդյունավետ համագործակցություն։
Այցի շրջանակներում պատվիրակությունը հանդիպում ունեցավ նաև Նիդերլանդների Թագավորության արդարադատության և անվտանգության նախարարության ներկայացուցիչների, մասնավորապես՝ նախարարության միգրացիոն հարցերի տնօրենի, հայրենադարձության և հետընդունման ծառայության բարձրաստիճան պաշտոնյաների հետ։