ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ ՀՀ ոստիկանության շտաբի հերթապահ ծառայության վարչության պետ, ոստիկանության գնդապետ Արայիկ Առաքելյան, հեռ. 011-58-76-03)
  • Ճանապարհային ոստիկանություն
    Բջջ. 1-77
    Ճանապարհային ոստիկանության գործունեությանն առնչվող, ինչպես նաև ճանապարհատրանսպորտային պատահարների հետ կապված հարցերով
    (պատասխանատու՝ ճանապարհային ոստիկանության օպերատիվ կառավարման կենտրոնի պետ, ոստիկանության փոխգնդապետ Կարեն Գյուլումյան, հեռ. 010-52-27-63)
  • Անձնագրային և վիզաների վարչություն
    (+374) 10 37-02-64
    (պատասխանատու՝ ՀՀ ոստիկանության ԱՎՎ պետի տեղակալ, ոստիկանության գնդապետ Ահարոն Կարապետյան հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ ՔՈ ԳՎ Թրաֆիքինգի դեմ պայքարի բաժնի պետ, ոստիկանության փոխգնդապետ Հաբեթ Մկրտչյան հեռ. 011- 56-39-63)

ԱՊՀ մասնակից պետությունների ներքին գործերի նախարարների Խորհրդի հերթական նիստը Տաշքենդում (ՏԵՍԱՆՅՈՒԹ, ԼՈՒՍԱՆԿԱՐՆԵՐ)

31.05.2019 18:02 Պաշտոնական

Մայիսի 31-ին Ուզբեկստանի Հանրապետության Տաշքենդ քաղաքում կայացավ ԱՊՀ մասնակից պետությունների ներքին գործերի նախարարների Խորհրդի հերթական նիստը, որին մասնակցում էր Հայաստանի Հանրապետության ոստիկանության պետ Վալերիյ Օսիպյանի գլխավորած պատվիրակությունը:
Նիստի ընթացքում քննարկվեցին օպերատիվ-հետախուզական գործունեությանը վերաբերող մի շարք հարցեր, այդ թվում՝ ԱՊՀ մասնակից-պետությունների ներքին գործերի/ոստիկանության մարմինների հարցումներով միջազգային վերահսկվող մատակարարումների կազմակերպման և անցկացման միասնական կարգը և ԱՊՀ մասնակից պետությունների ներքին գործերի նախարարությունների/ոստիկանության կողմից համալիր համակարգված և/կամ համատեղ օպերատիվ-կանխարգելիչ միջոցառումների անցկացման կանոնակարգը։
Քննարկվեց և համաձայնություն տրվեց «Մինչև 2030 թվականի համար ԱՊՀ մասնակից պետությունների ներքին գործերի նախարարությունների/ոստիկանության համագործակցության հայեցակարգին»։
Հանցավորության դեմ պայքարի ոլորտում հետագա համագործակցության առաջնային հարցերի շուրջ ելույթով հանդես եկավ ՀՀ ոստիկանության պետ Վալերիյ Օսիպյանը՝ ներկայացնելով ոստիկանությունում տեղի ունեցող բարեփոխումները, ինչպես և ԱՊՀ ներքին գործերի/ոստիկանության մարմինների համագործակցության ընթացքում առկա առաջնահերթ խնդիրները և դրանց լուծման հնարավոր ուղիները։
Վալերիյ Օսիպյանը, մասնավորապես, նշեց, որ առանցքային ձեռքբերում է հանրապետությունում համակարգային կոռուպցիայի վերացումը, իսկ առանձին կոռուպցիոն դրսևորումներ խստորեն կանխվում են, ու մեղավորները պատիժ են կրում օրենքի ողջ խստությամբ:
Ոստիկանության նվաճումներից է նաև հասարակություն-ոստիկանություն կապի ամրապնդումը, և ամեն ինչ արվում է այն անհրաժեշտ մակարդակի պահելու համար՝ առաջին հերթին հանրային ծառայություններ մատուցող ստորաբաժանումների աշխատանքի և քաղաքացիների իրավունքների ու ազատությունների պաշտպանության արդյունավետության բարձրացման միջոցով: Այդ առումով կարևորվեց նաև առաջիկայում ներդրվելիք պարեկային ծառայության գործունեությունը:
Անդրադառնալով ԱՊՀ մասնակից պետությունների ներքին գործերի և ոստիկանության մարմինների համագործակցության ամրապնդման խնդիրներին՝ Վալերիյ Օսիպյանն առանձնացրեց կիբեռհանցավորության, մարդկանց առևտրի, անօրինական միգրացիայի, զենքի և թմրամիջոցների անօրինական շրջանառության դեմ պայքարի ոլորտները և դրական գնահատեց փոխգործակցության արդյունքները հետախուզվող անձանց հայտնաբերման բնագավառում:
Օրակարգի բոլոր հարցերով ընդունվեցին համապատասխան որոշումներ:
ԱՊՀ մասնակից պետությունների ներքին գործերի նախարարների Խորհրդի հերթական նիստը կկայանա 2020 թվականին, Հայաստանի Հանրապետության Երևան քաղաքում:
ՀՀ ոստիկանության պետ Վ.Օսիպյանին և ԱՊՀ մասնակից պետությունների ներքին գործերի նախարարներին ընդունեց Ուզբեկստանի Հանրապետության նախագահ Շաքկատ Միրզիյոևը։