Այրված գազն արտանետվել է բնակարան

29.11.2014 13:51 Թունավորում

Նոյեմբերի 28-ին, ժամը 11.15-ին, հիվանդանոցից ոստիկանության Գորիսի բաժնում հաղորդում է ստացվել, որ «էկզոգեն թունավորում գազից» ախտորոշմամբ բուժօգնության են տեղափոխվել 2002 թ. ծնված Արամ Ա.-ն, 2002 թ. ծնված Նարեկ Ն.-ն և 2004 թ. ծնված Նարե Ն.-ն, իսկ ժամը 15.20-ին հիվանդանոցի հաղորդում է ստացվել, որ «սուր Էկզոգեն թունավորում գազից» ախտորոշմամբ բուժօգնության են տեղափոխվել 1982 թ. ծնված Քրիստինե Հ.-ն և 1983 թ. ծնված Թեհմինե Ա.-ն, որոնք նշել են, որ տանը թունավորվել են գազի արտահոսքից:

Պարզվել է, որ նույն օրը, ժամը 01.30-ից 02.00-ն ընկած ժամանակահատվածում, Գորիսի Մ.Խորենացու փողոցի 41 շենքի բնակարաններից մեկի խոհանոցում տեղադրված բնական գազով գործարկվող ջրատաքացուցիչի այրված գազերը ռադիատորի քայքայված անցքով արտանետվել են բնակարան, ինչի արդյունքում տանը քնած նշված անձինք ստացել են սուր էկզոգեն թունավորում և ինքնազգացողության վատացման պատճառով տեղափոխվել հիվանդանոց:

Նշանակվել է ԴԲՓ:

Հանգամանքները պարզվում են:

Նախապատրաստվում են նյութեր:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Այրված գազն արտանետվել է բնակարան

ՀԻՄՆԱԿԱՆ