Օպերատիվ իրավիճակը հանրապետությունում նոյեմբերի 21-ից 22-ը

Ըստ ոստիկանության օպերատիվ հաղորդագրությունների ամփոփագրերի՝ նոյեմբերի 21-ից 22-ը Հայաստանի Հանրապետության ՆԳՆ ոստիկանության ստորաբաժանումները բացահայտել են հանցագործության 69 դեպք, որոնցից 4-ը՝ նախկինում կատարված։
Մասնավորապես՝ թմրամիջոցի հայտնաբերման՝ 16, անձնական ունեցվածքի գողության՝ 8, խարդախության` 7, մարմնական վնասվածք պատճառելու` 5, թմրանյութի իրացման՝ 4, հոգեկան ներգործության և խուլիգանության՝ 3-ական, ֆիզիկական ներգործության, դրամանենգության, պաշտոնեական լիազորությունների չարաշահման ու ծառերը, թփերը ապօրինի հատելու՝ 2-ական, մարդու առևանգման, ավազակության, շորթման, պաշտոնեական կեղծիքի կամ անփութության, պաշտոնատար անձի ծառայողական գործունեությանը միջամտելու, բուժաշխատողի կողմից մասնագիտական պարտականությունները չկատարելու, հարկերը, տուրքերը կամ այլ վճարներ չվճարելու, հակամրցակցային գործունեության, վարժական հավաքներից խուսափելու, անհետաձգելի միջամտության որոշումը կամ պաշտպանական որոշումը չկատարելու և հանցանք կատարած անձին աջակցելու՝ 1-ական դեպք։
Հայտնաբերվել են 2 անհետ կորած և 5 հետախուզվող։
Նախկինում կատարված հանցագործություններից բացահայտվել է անձնական ունեցվածքի գողության՝ 3, կողոպուտի՝ 1 դեպք։
Անցած 1 օրվա ընթացքում հանրապետությունում արձանագրվել է ճանապարհատրանսպորտային 21 պատահար. 2 մարդ զոհվել է, 22-ը՝ ստացել տարբեր աստիճանի մարմնական վնասվածքներ: