Գլխավոր էջ
ՆՈՐՈՒԹՅՈՒՆՆԵՐ
Ընտրություններ
Քրեական գործերը մեղադրական եզրակացությամբ ուղարկվել են դատարան

Քրեական գործերը մեղադրական եզրակացությամբ ուղարկվել են դատարան

18.05.2013 11:29 Ընտրություններ

Մայիսի 5-ին անհայտ քաղաքացուց ոստիկանության Շենգավիթի բաժնում ահազանգ էր ստացվել, որ թիվ 97 միջնկարգ դպրոցում գտնվող թիվ 11/32 ընտրատեղամասում մի քաղաքացու մոտ տեսել են 2 քվեաթերթիկ: Մեկնած օպերատիվ խումբը պարզել է, որ նա Ղազար Մ.-ն է: Ոստիկանության Շենգավիթի քննչական բաժնում ՀՀ քրեական օրենսգրքի 34-153-րդ հոդվածի 1-ին մասի հատկանիշներով հարուցվել էր քրեական գործ:

Ղազար Մ.-ի նկատմամբ որպես խափանման միջոց էր ընտրվել ստորագրություն չհեռանալու մասին, վերջինս հարցաքննվել էր որպես կասկածյալ, որպես վկաներ հարցաքննվել էին հանձնաժողովի անդամները, կատարվել էր ընտրողների ցուցակի զննություն:

Մայիսի 16-ին քրեական գործը մեղադրական եզրակացությամբ ուղարկվել է դատարան:

***

Մայիսի 5-ին ոստիկանության աշխատակիցը Կենտրոնականի բաժնում զեկուցագիր էր ներկայացրել, որ նույն օրը, ժամը 14:00-ի սահմաններում, իրեն է մոտեցել Ս. Շահումյանի անվան 1-ին դպրոցում տեղակայված թիվ 9/17 տեղամասի նախագահը և մատնացույց անելով Է. Ե.-ին, հայտնել, որ նա փորձել է կրկին անգամ կատարել քվեարկություն:

Է.Ե.-ն բացատրությամբ հայտնել էր, որ 2-րդ անգամ փորձել է քվեարկել` հանձնաժողովի անդամների զգոնությունը փորձելու համար:

Ոստիկանության Կենտրոնականի քննչական բաժնում ՀՀ քրեական օրենսգրքի 34-153-րդ հոդվածով հարուցվել էր քրեական գործ:

Մայիսի 17-ին քրեական գործը մեղադրական եզրակացությամբ ուղարկվել է դատարան:

Քրեական գործերը մեղադրական եզրակացությամբ ուղարկվել են դատարան

ՀԻՄՆԱԿԱՆ