Վիճաբանություն Օձուն գյուղում

18.11.2014 15:19 Մարմնական վնասվածք

Նոյեմբերի 17-ին, ժամը 23.20-ին, հիվանդանոցից ոստիկանության Թումանյանի բաժնում հաղորդում է ստացվել, որ գլխի վնասվածքով իրենց է դիմել 1976 թ. ծնված Տիգրան Դ.-ն, որը հայտնել է, որ հարևանները հարվածել են գլխին:

Մեկնած օպերատիվ խումբը պարզել է, որ նույն օրը, ժամը 20.00-ի սահմաններում, Օձուն գյուղում 1981 թ. ծնված Կարեն Մ.-ն վիճաբանել է իր հետ, ինչի ընթացքում Կարեն Մ.-ի կինը` 1978 թ. ծնված Սուսաննա Ի.-ն, մետաղյա ձողով հարվածել է իր գլխին` պատճառելով վնասվածք:

Նշանակվել է դատաբժշկական փորձաքննություն:

Կատարվում է հետաքննություն:

***

Նոյեմբերի 17-ին, ժամը 23.35-ին, հիվանդանոցից ոստիկանության Թումանյանի բաժնում հաղորդում է ստացվել, որ իրենց է դիմել 1978 թ. ծնված Սուսաննա Ի.-ն, ով հայտնել է, որ ժամը 20.35-ի սահմաններում տան աստիճաններից ընկել և հիվանդանոց է դիմել, քանի որ գտնվում է հղիության վիճակում:

Նյութերի նախապատրաստման ընթացքում պարզվել է, որ նոյեմբերի 17-ին, ժամը 20.00-ի սահմաններում, Օձուն գյուղում 1976 թ. ծնված Տիգրան Դ.-ն վիճաբանել է 1981 թ. ծնված Կարեն Մ.-ի հետ, այդ ընթացքում միջամտել է վերջինիս կինը` Սուսաննա Ի.-ն, և Տիգրան Դ.-ն ձեռքերով ու ոտքերով հարվածներ է հասցրել նրան:

Նշանակվել է դատաբժշկական փորձաքննություն:

Կատարվում է հետաքննություն:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Վիճաբանություն Օձուն գյուղում

ՀԻՄՆԱԿԱՆ