ՀՀ ոստիկանության թեժ գիծ
  • Ընդհանուր հարցերով
    (+374) 10 54-69-14
    (+374) 10 54-69-12
    Աշխ. ժամեր՝ 9-ից 18-ը: Ընդմիջում՝ 13-ից 14-ը:
    Հանգստյան օրեր՝ շաբաթ, կիրակի:
  • Ճանապարհային ոստիկանություն
    1-77, 060-83-10-22
    Ճանապարհային ոստիկանության հաշվառման և քննական ստորաբաժանումների գործառույթներին (վարորդական իրավունքի վկայական ստանալ, փոխանակել, տրանսպորտային միջոցներ հաշվառել, անվանափոխել և այլն) վերաբերող հարցերով
    060-83-83-02
  • Թրաֆիքինգի և անօրինական միգրացիայի հարցերով
    0800-505-50
  • Անձնագրային և վիզաների վարչություն
    (+374) 10 37-02-64
Ոստիկանության ստորաբաժանումներում գործող Թեժ գծերի պատասխանատուների տվյալները
  • Ընդհանուր հարցերով
    (+374) 10 54-69-14
    (+374) 10 54-69-12
    (պատասխանատու՝ հեռ. 011-58-76-03)
  • Ճանապարհային ոստիկանություն
    Բջջ. 1-77
    (պատասխանատու՝ հեռ. 060-83-10-23)
  • Անձնագրային և վիզաների վարչություն
    (+374) 10 37-02-64
    (պատասխանատու՝ հեռ. 011-37-06-00)
  • Թրաֆիքինգի և անօրինական միգրացիայի հարցերով
    0800-505-50
    հերթապահ մաս
    (պատասխանատու՝ հեռ. 011- 56-39-63)

Պարզաբանում

15.01.2014 18:15 Պարզաբանում

Համացանցում հրապարակվել է Երևանի բնակչուհի Կիմա Կակոյանի «Բաց նամակը», որտեղ վերջինս անդրադառնալով 2012 թ. հունիսին ոստիկանության Շենգավիթի քննչական բաժնում քննված մի քրեական գործի նախաքննությանը` իր դժգոհությունն է հայտնել ոստիկանության ծառայողների գործողություններից:
Հայտնում ենք, որ նամակագրի որդին` Հակոբ Նազարյանը, ուրիշի գույքի գաղտնի հափշտակություն կատարելու դիտավորությամբ, 2012 թ. հունիսին մուտքի դռան փականը հարմարեցված գործիքով բացելով` ապօրինի մուտք է գործել Երևանի Հ. Հովհաննիսյան փողոցի թիվ 60 տուն և այնտեղից գաղտնի հափշտակել 60.000 դրամ ընդհանուր արժողության 3 գորգ, 25.000 դրամ արժողության գազի վառարան, 100.000 դրամ արժողության սրբապատկերներ, 30.000 դրամ ընդհանուր արժողության անկողնային պարագաներ և 40.000 դրամ արժողության սպասք` սեփականատիրոջը պատճառելով զգալի չափի` 255.000 ՀՀ դրամի գույքային վնաս:
Փաստի առթիվ 08.06.2012 թ. ոստիկանության Շենգավիթի քննչական բաժնում ՀՀ քրեական օրենսգրքի 177 հոդվածի 3-րդ մասի 1.1 կետով հարուցվել է քրեական գործ և նույն օրը Հակոբ Նազարյանը ձերբակալվել է:
Նախաքննության ընթացքում պարզվել է, որ նա կատարել է 11 դրվագ գողություններ: Նազարյանին մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 177 հոդվածի 3-րդ մասի 1.1 կետով նախատեսված հանցավոր արարքներ կատարելու համար:
Քրեական գործը` մեղադրական եզրակացությամբ, ուղարկվել է Շենգավիթ վարչական շրջանի ընդհանուր իրավասության դատարան, որտեղ՝ 2013 թ. հունիսի 7-ի դատավճռով Հակոբ Նազարյանը դատապարտվել է 6 տարի ժամկետով ազատազրկման:
2013 թ. հունիսի 6-ին Հակոբ Նազարյանի մայրը հաղորդում է հասցեագրել ՀՀ հատուկ քննչական ծառայության պետին՝ նշելով, որ ոստիկանության մի շարք աշխատակիցներ որդուն առնչվող քրեական գործով թույլ են տվել ապօրինություններ, այդ թվում՝ քննիչը քննության ընթացքում առգրաված իրերը չի վերադարձրել և դատարան չի ուղարկել:
ՀՀ հատուկ քննչական ծառայությունում նյութերի նախապատրաստման ընթացքում չեն հիմնավորվել Կիմա Կակոյանի կողմից նշված հանգամանքները և 2013 թ. հուլիսի 23-ին որոշում է կայացվել նյութերով քրեական գործի հարուցումը ՀՀ քրեական դատավարության օրենսգրքի 35 հոդվածի 1-ին մասի 2-րդ կետով նախատեսված հիմքով՝ հանցակազմի բացակայության պատճառաբանությամբ մերժելու մասին: