Գեղարքունիքի մարզի պարեկները սառը զենքեր են հայտնաբերել

ՆԳՆ ոստիկանության Գեղարքունիքի մարզի պարեկները, արտաքին լուսային սարքերը սահմանված ռեժիմով չաշխատելու պատճառով, կանգնեցրել են «Միցուբիշի» մակնիշի մի մեքենա: Պարեկների պահանջով վարդենիսցի 19-ամյա վարորդը բեռնախցիկի տեսանելի հատվածից ներկայացրել է մահակ, իսկ պահոցից՝ դանակ՝ 25 սմ երկարության, շեղբի երկարությունը՝ 13 սմ:
Վարորդը պարզաբանման համար տարվել է ոստիկանության Վարդենիսի բաժին, ապա կազմված փաստաթղթերի հետ ներկայացվել է նախաքննական մարմին, իսկ մեքենան տեղափոխվել է բաժնի հատուկ պահպանվող տարածք:
Սառը զենքի հայտնաբերման հաջորդ դեպքը մարտի 30-ի ուշ երեկոյան գրանցվեց:
Գեղարքունիքի մարզի պարեկները Վարդենիս քաղաքի եկեղեցու բակում ծառայություն կատարելիս 18-ամյա մի երիտասարդի մոտ նկատել են կռփազենք: Նա տեղափոխվել է ոստիկանության Վարդենիսի բաժին: Անձնական խուզարկությամբ նրա մոտ հայտնաբերվել են կռփազենք և դանակ՝ ընդհանուր երկարությունը 17 սմ, շեղբի երկարությունը՝ 9 սմ:
Կազմված փաստաթղթերն ուղարկվել են նախաքննական մարմին: