Ճանապարհատրանսպորտային պատահարներ Հայաստանում

Հուլիսի 23-ին, ժամը 00.15-ի սահմաններում, Աշտարակ-Օշական ճանապարհի 2-րդ կմ-ին «Նիսան» մակնիշի ավտոմեքենան դուրս է եկել երթևեկելի գոտուց և վթարի ենթարկվել. 32-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հուլիսի 22-ին, ժամը 22.30-ի սահմաններում, Արարատի մարզի Լանջազատ գյուղի հանգստյան գոտում «Տոյոտա» մակնիշի ավտոմեքենան դուրս է եկել ճանապարհի երթևեկելի մասից և ընկել գետը. երեք ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Հուլիսի 21-ին, ժամը 19.35-ին, հիվանդանոցից հաղորդում է ստացվել, որ մարմնական վնասվածքներով բուժօգնության է դիմել 8-ամյա երեխա:
Ըստ ծնողի՝ երեխան բակում խաղալիս ընկել է:
Ձեռնարկված օպերատիվ-հետախուզական միջոցառումների արդյունքում պարզվել է, որ հուլիսի 21-ին, ժամը 17.00-ի սահմաններում, Արարատի մարզի Ռանչպար գյուղում երեխային վրաերթի է ենթարկել «ՎԱԶ-2106» մակնիշի ավտոմեքենայի 52-ամյա վարորդը: Հուլիսի 22-ին նա բերման է ենթարկվել ոստիկանության բաժին և տվել խոստովանական բացատրություն:
Կատարվում է քննություն։

***

Հուլիսի 22-ին, ժամը 23.50-ի սահմաններում, Մասիս-Չարբախ ճանապարհին իրար են բախվել
«Մերսեդես Բենց» և «Հոնդա» մակնիշի ավտոմեքենաներ. «Հոնդայի» 32-ամյա վարորդը մարմնական վնասվածքներով տեղափոխվել է հիվանդանոց:
Կատարվում է քննություն։

***

Հուլիսի 22-ին, ժամը 22.30-ի սահմաններում, «Մերսեդես» մակնիշի ավտոմեքենան Կոտայքի մարզի Հատիս գյուղում բախվել է ճամփեզրի քարին. երկու ուղևորները մարմնական վնասվածքներով տեղափոխվել են հիվանդանոց:
Կատարվում է քննություն։

***

Հուլիսի 22-ին, ժամը 13.30-ի սահմաններում, Իջևան քաղաքի Երևանյան փողոցում «Մերսեդես» մակնիշի ավտոմեքենայի վարորդը վրաերթի է ենթարկել 19-ամյա քաղաքացու և իր մեքենայով տեղափոխել հիվանդանոց:
Կատարվում է քննություն։