Ճանապարհատրանսպորտային պատահարներ Հայաստանում

Փետրվարի 25-ին, ժամը 19.30-ին, «Օպել» մակնիշի մեքենայի վարորդը Երևանի Արմենակյան և Գ. Հովսեփյան փողոցների խաչմերուկում վրաերթի է ենթարկել 17-ամյա աղջկա, որը մարմնական վնասվածքներով տեղափոխվել է հիվանդանոց:
Կատարվում է քննություն:

***

Փետրվարի 25-ին, ժամը 02.20-ին, հիվանդանոցից հաղորդում է ստացվել, որ բուժօգնության դիմած 35-ամյա երիտասարդը հայտնել է, որ մարմնական վնասվածքները ստացել է իր վարած մեքենայով վթարի ենթարկվելու հետևանքով:
Կատարվում է քննություն:

***

Փետրվարի 24-ին, ժամը 15.36-ին, հիվանդանոցից հաղորդում է ստացվել, որ բուժօգնության դիմած 54-ամյա տղամարդը հայտնել է, որ մարմնական վնասվածքները ստացել է փետրվարի 22-ին Երևան քաղաքում տեղի ունեցած ավտովթարի հետևանքով:
Կատարվում է քննություն:

***

Փետրվարի 26-ին, ժամը 01.55-ի սահմաններում, Հրազդան քաղաքի Զորավար Անդրանիկի փողոցում իրար են բախվել «Օպել» և «Նիսան» մակնիշի մեքենաներ. «Օպելի» վարորդը մարմնական վնասվածքով տեղափոխվել է հիվանդանոց:
Կատարվում է քննություն:

***

Փետրվարի 25-ին, ժամը 10.10-ի սահմաններում, Չարենցավան քաղաքի Տերվիշյան և Երիտասարդության փողոցների խաչմերուկում իրար են բախվել «Մազդա 6» մակնիշի և «Ջիմբեյ» շտապօգնության մեքենաները. «Ջիմբեյի» ուղևորուհին մարմնական վնասվածքով տեղափոխվել է հիվանդանոց:
Կատարվում է քննություն:

***

Փետրվարի 25-ին, ժամը 08.40-ի սահմաններում, Գյումրիի Վարդանանց հրապարակում իրար են բախվել երկու «Օպել» մակնիշի մեքենաներ, որոնցից մեկի վարորդը մարմնական վնասվածքներով տեղափոխվել է հիվանդանոց:
Կատարվում է քննություն:

***

Փետրվարի 25-ին, ժամը 17.00-ի սահմաններում, Շիրակի մարզի Մայիսյան գյուղում իրար են բախվել «ԳԱԶ-3110» և «ՎԱԶ-21015» մակնիշի մեքենաներ. «ՎԱԶ-21015»-ի 25-ամյա ուղևորուհին մարմնական վնասվածքներով տեղափոխվել է հիվանդանոց:
Կատարվում է քննություն: